BATING 4:20 - Sura' Madatu

²⁰ Iatu penaa tassu’ dio to’ illongta, tu Natokko PUANG, didammak dio to’ kalo’tokna, tu tatangnga’ kumua: diong pentiongananna tanii tuo dio lu mintu’ bangsa.

BATING 4:20 ပူးပေါင်းရင်းမြစ်များ

KADADIAN 2:7

Nakombongmi PUANG Kapenomban tu tolino dio mai litak, Napamurru’i tama to’tok illongna tu penaa napotuo, susimoto tu tolino mendadi misa’ a’gan tuo.

KADADIAN 44:30

Iamoto iake saekan lako kaunanmi, ambe’ku, napa’de te to mangura kisolan, belanna iatu penaanna tiala lako te to mangura,

2 SAMUEL 1:14

Nakuami Daud lako: Ma’apai natae’ iko mumataku’ umpatikambe limammu la ussanggangi tu to Natokko PUANG?

2 SAMUEL 1:21

E kamu buntu Gilboa, kenna da’ora naden ambun ba’tu uran umbissikkomi, e kamu padang dinii urrande pemala’. Belanna inde to dio dinii urruttakki balulang to lalong, iamo balulangna Saul, tu tang diboka’i.

2 SAMUEL 18:3

Apa nakua tu mintu’ surodadu: Da natassu’ tu puang ussisolangkanni; belanna moi angki mallai nasang, tae’ nadampangi, ondongpi iake matekan sesena, tae’ duka nadampangi; sangadinna puangkiri tu pada sangpulo sa’bu taummi. Ondongpi totemo mandu melo ia, ke mitundui lankanni mai kota.

2 SAMUEL 19:21

Attu iato ma’kadami tu Abisai, anakna Zeruya, nakua: Ma’apari natang la dipateira tu Simei, belanna untampakki ropu to Natokko PUANG!

2 OSSORANNA DATU 35:25

Natonorammi Yeremia misa’ bating tu Yosia sia mintu’ to menani muane sia baine unggente’ sanganna Yosia lan mintu’ kadong batingna landa’ lako allo iate, belanna tipondok ada’mo lan Israel. Manassa mintu’nato tisura’mo lan Sura’ Sarro.

YESAYA 32:2

Tau iato la susi pentirerungan dio mai angin bara’ sia pentilindungan dio mai uai luang sia butung to salu’-salu’ dio padang ba’ta’ sia susi bayo-bayo buntu batu kapua dio padang karangkean.

YEREMIA 39:5

Apa naula’ to Kasdim tu tau iato mai, anna lambi’i tu Zedekia dio padang marantena Yerikho; anna solanni lako Nebukadnezar, datu Babel dio Ribla, lili’na Hamat: nara’ta’i Nebukadnezar tu ukunganna.

YEREMIA 52:8

Apa iatu datu naula’ surodadu to Kasdim, anna lambi’i tu Zedekia dio padang marantena Yerikho, naurungan dipasisarak-sarak tu mai surodadunna tu nasolan.

YEREMIA 52:9

Natingkanni tu datu, nasolammi lako datu Babel dio Ribla, lili’na Hamat, nara’ta’mi datu Babel tu ukunganna.

BATING 2:9

Iatu babanganna lamma’ nasang rokko padang, iatu salli’na nasanggangmo sia Natesse-tesse; iatu datunna sia iatu mai arungna mentialla’mo dio lu mintu’ bangsa, iatu pangadaran diona sukaran aluk tae’mo; sia iatu mai nabi tang unnappa’mo patiro mendeata dio mai PUANG.

YEHEZKIEL 12:13

La Kupae’te’i pukaKu sia la naala poyaKu; la Kusolan lako Babel, tondok to Kasdim, apa tae’ nala untiroi; sia inde to dio la nanii mate.

YEHEZKIEL 17:18

Napamatunamo tu sumpa, belanna napoka tu basse; moi namangkamo sitoe lima, umpogau’i tu mintu’ apa iato; tae’ nala tilendok.

YEHEZKIEL 31:17

Ia duka tu tau iato mai malemo sola rokko lino to mate, lako to dipatei pa’dang, iamotu to patunduanna, tu torro diong to’ naonganninna dio lu mintu’ bangsa.

DANIEL 4:12

Iatu daunna maballo sia tarri’ tu buanna, iamoto napokandei mintu’ angge menono’; sia napentionganni mintu’ olo’-olo’ dao kapadanganna sia iatu tangkena napopembuyan mintu’ manuk-manuk dao lu langi’, sia mintu’ angge menaa umpokandei.

HOSEA 13:10

Umbamira tu datummu, tu la urrampanangko lan mintu’ kotamu, sia umbamira tu to ma’parentamu – e iko tu mangka ma’kada kumua: Benna’ misa’ datu sia ba’tu pira-pira arung.

TO PARENGNGE’ 9:15

Mebalimi tu oto’ duri, nakua: Iake tonganni aku la mitokko datummi, malemokomi mai sola nasang mentirerung diong onganku; apa iake tae’i nasusito, nake sunni tu api lan mai to’ duri ungkande nasangi tu mintu’ garonto’ arasi’ dao Libanon.

1 SAMUEL 12:3

Totemo ma’diorenmo’. Pamatu’tunmi lako kaleku dio oloNa PUANG sia dio olona to Natokko, kumua: mindamora sapi kuala, mindamora keledai kuala sia mindamora kupakario-rio sia mindamora tu tang kupaolai salunna? Sia mindamora lima kunii untarima pappe’ kuurunganni untutu’ matangku diona kara-karana? Iake denni susinnato la kusondai sule lako kalemi.

1 SAMUEL 12:5

Nakuami Samuel: Allo iate PUANGmo dadi sa’bi lako kalemi sola nasang sia iatu to Natokko la sa’bi duka allo iate, kumua moi misa’ sala tae’ miappa’ dio kaleku! Mebalimi tu tau iato mai, nakua: Na Iamora sa’bi.

1 SAMUEL 16:6

Iatonna tamamo tu tau iato mai, natiroi Samuel tu Eliab, saemi lan penaanna: Manassa iamote bendan tu to Natokko PUANG dio oloNa.

1 SAMUEL 24:10

Ma’kadami Daud lako Saul, nakua: Ma’apai anna perangii puangku tu kadanna tau, kumua: Nadakaran Daud tu la naposanggangna puangku.

1 SAMUEL 24:6

Apa iatonna mangkato, inang ma’rundede duka tu penaanna Daud, belanna mangkamo nase’pa’i tu biring bayu lamba’na Saul.

1 SAMUEL 26:16

Tae’ liu namelo te penggaurammi te! La lelukraka tuoNa PUANG, kamu sola nasang tau la dipatei, belanna tae’ mikampai tu puangmi, tu mangka Natokko PUANG! Totemo malemokomi untiroi umbami tu dokena datu sia busso, tu dio to’ ulunna datu?

1 SAMUEL 26:9

Apa nakua Daud lako Abisai: Da musanggangi tu datu, belanna mindara tu umpata’pai lima tu to Natokko PUANG, anna torro masero dio mai kasalan?