BATING 4:19 - Sura' Madatu

¹⁹ Mintu’ to unnula’ki’ matira’ ia anna langkan maega dao langi’, masarrang tongan unnula’ki’ dao buntu, sia naodo’ki’ dio lu padang pangallaran.

BATING 4:19 ပူးပေါင်းရင်းမြစ်များ

YEREMIA 16:16

La ussuaNa’ to mebale buda, kadanNa PUANG, anna ia untingkanni tu tau iato mai susi bale, undinnato la ussuaNa’ buda to moasu, la unnula’i dao mai mintu’ buntu sia mintu’ tanete, sia lan mai mintu’ kalo’tok batu.

YEREMIA 4:13

Tiromi, kendekmo susi gaun tikembong; sia iatu mintu’ karetana butung angin bara’, na iatu mintu’ darangna mandu matira’ anna langkan maega: upu’ allota belanna sanggangmoki’.

BATING 1:13

Napasaemi tu api dao mai madaona; Napasonglo’mo sae tama bukungku; Natananni porro’ tu lentekku sia Naturrunna’ lako boko’; Napatorro to pussakmo’, mandasa situ’turan allo.

HOSEA 8:1

Padioi pudukmu tu napiri tanduk. Susi misa’ langkan maega tu kasanggangan sae urrampoi banuanNa PUANG! Belanna natengkaimo tau iato mai tu basseKu sia nabali-bali tu Sukaran alukKu.

HOSEA 8:3

Untibemo maelona tu to Israel; iamoto anna ula’i uali.

SURA’ KATOMINAAN 26:36

Sia la Kupaden tu kamatakuran lan penaammi tu mintu’komi tu torronapa lan tondokna ualinna, naurungan moi daun kayu rondon unnula’ tau iato, anna mallai, susito naula’ pa’dang, anna tibambang tang naula’ tau.

AMOS 2:14

Attu iato iatu mai to malinta’ tang nabelamo umpallaian kalena, iatu to mawatang tang nakullemo umpalalo kamabukuanna sia tu to lalong tae’mo nakullei ullendokan sunga’na.

HABAKUK 1:8

Iatu darangna mandu malinta’ na iatu arimau buluh, sia mandu matira’ na iatu guruk ke bonginna; mintu’ tu darangna sia pakkanarangna sae tiantak-antak, mambela nanii sae langkan maega tu ussiok kandena.

PA’TOLE 28:49

PUANG la umpasae misa’ bangsa ullaoiko, tu sae dio mai tondok mambela, dio mai randan langi’, susito langkan maega mettia’, iamotu misa’ bangsa tae’ mitandai basana,