BATING 4:18 - Sura' Madatu

¹⁸ Attu iato nabasamiki’ matanna tau iato mai, ke mentengkaoki’, naurungan tae’mo tama’din umpolalan rante malona’ta; upu’mo allota sia sumpumo sumandakta, manassa, upu’mo allota!

BATING 4:18 ပူးပေါင်းရင်းမြစ်များ

AYUB 10:16

Iangku adongan ulungku, manassa iatu Puang susito singa unnula’na’ sia Mipakitan pole’na’ kuasa kalle-kalleamMi.

PA’PUDIAN 140:11

Nake nasamboi ruaya tu tau iato mai; sia nake Napembuanganni Puang tama to’ api sia rokko posi’na tana, da nabangun sule.

YEREMIA 1:12

Nakuami PUANG lako kaleku: Tonganna mutiro, belanna sakka’Na’ ungkampai tu kadangKu, la umpalaloi.

YEREMIA 16:16

La ussuaNa’ to mebale buda, kadanNa PUANG, anna ia untingkanni tu tau iato mai susi bale, undinnato la ussuaNa’ buda to moasu, la unnula’i dao mai mintu’ buntu sia mintu’ tanete, sia lan mai mintu’ kalo’tok batu.

YEREMIA 37:13

Apa iatonna rampomo lako babangan Benyamin, denni misa’ kamandang to ma’kampa, disanga Yeria, anakna Selemya, anakna Hananya, untingkanni tu nabi Yeremia, nakua: Umbai la menta’pakomi lako to Kasdim!

YEREMIA 5:31

Mintu’ nabi ma’nubua’ tang tongan sia mintu’ to minaa undi duka mesaro la’da’ sia mintu’ taungKu umporai tu iannato. Na apamora la mipogau’ ke katampakannai?

YEREMIA 51:33

Belanna inde sia tu kadanNa PUANGna mintu’ ma’dandan maritik, Kapenombanna to Israel, kumua: Iatu anak dara Babel butung to inan panglulluran, ke attunnamo dilullu’-lullu’; sattu’mora narampomo tu attu pegandungan.

BATING 3:52

Naula’ sumpu tonganmo’ susi misa’ manuk-manuk tu mai to tae’ bannangna nanii unnula’na’.

YEHEZKIEL 12:27

E ma’rupa tau, tonganna iatu to Israel ma’kada nakua: Iatu patiro mendeata natiro, umpatu allo masaipa namane sae, sia ma’nubua’ diona attu mambelapa.

AMOS 8:2

Ma’kadami tu Puang, Nakua: Apara mutiro, e Amos? Mebalimo’, kukua: Den misa’ baka ponno bua matasak. Ma’kadami tu PUANG lako kaleku, Nakua: Nalambi’mo tu ma’katampakanna Israel, taungKu, Tae’mo Kula ullendu’i lenni.

1 SAMUEL 24:14

Susi pa’kadanan to dolo-dolo: Dio mai tu to kadake nanii bu’tu tu kadake; apa tae’ kula umpata’pai lima puangku.