BATING 4:17 - Sura' Madatu

¹⁷ Tontong bang tu matanta ma’penunu sia ma’peagi – apa tae’ gai’na; dao menara pa’kampanta tanii umpemantangi tu misa’ bangsa tang nakulle merampanan.

BATING 4:17 ပူးပေါင်းရင်းမြစ်များ

2 DATU 24:7

Tae’mo natolei tu datu to Mesir tassu’ lan mai tondokna, belanna naala nasang datu to Babel tu mintu’ tondok naala lili’na Mesir randuk dio mai salu’-salu’ Mesir sae lako salu Efrat.

YESAYA 20:5

Attu iato la rosso tu tau iato mai sia la masiri’ untiro to Etiopia, pa’rannuananna, sia to Mesir, passattuananna.

YESAYA 28:18

Na iate bassemi sola kamatean la diputtai sia iatu lampa kadammi sola lino tomate tae’ anna la manda’; ia anna olaikomi peada’ masarrang, la nalullu’mokomi.

YEREMIA 2:18

Ma’apari ammu male lako Mesir unniru’ uai salu Nil? Sia ma’apari ammu male lako Asyur unniru’ uai Efrat?

YEREMIA 2:36

Lendu’ ia pembudammumo ussondai lalanmu! La natodingko siri’ belanna umposande’ Mesir, susitu kanatodingammu siri’, belanna umposande’ Asyur.

YEREMIA 2:37

Dio duka mai la munii tassu’ undudung limammu, belanna Natibemo PUANG tu tau iato mai, tu munii ussedan rannummu, muurunganni tang unnappa’i tu mudaka’na lako tau iato mai.

YEREMIA 8:20

Lendu’mo tu pegandungan sia upu’mo tu pealloan, natae’ bang sia tadirampanan.

BATING 1:19

Metambana’ lako mintu’ muane ungkamali’na’, apa napopa’elo’nana’ sia napakenana’. Mintu’ to minaangku sia pekaamberangku ka’tumo sunga’na lan kota, tonna undakaran kande kalena, la natoean sunga’na.

BATING 1:7

Lan allo kamaparrisanna sia kalumioranna, iatu Yerusalem tontong ungkilalai, tu mintu’ apa keangga’, tu mangka naampui lan allo lendu’mo; iatonna tobangmo tu bangsana tama limanna ualinna, sia tae’mo to patunduanna, natiromi ualinna, sia napetaai, belanna kasangganganna.

BATING 5:6

Kipopandaka’ tu limangki lako Mesir, sia lako Asyur, kinii ma’pedia’ roti.

YEHEZKIEL 29:16

Sia attu iato tae’mo nala den apa narannuan to Israel, iamotu misa’ apa ma’pakilala diona sala, ke naturu’i tau iato mai tu to Mesir. Anna tandai tau iato mai, kumua Akumo tu Puangta PUANG.