BATING 4:16 - Sura' Madatu

¹⁶ PUANG kalenamo umpatisambo’-sambo’i tu tau iato mai; Tae’mo Nasailei tu tau iato mai. Iatu tau iato mai tae’ nakatirinnai tu to minaa, Sia iatu to matua tae’ nakaturu-turui.

BATING 4:16 ပူးပေါင်းရင်းမြစ်များ

KADADIAN 49:7

Tampak ropu tu kasengkeanna, belanna napukan ara’na, sia kare’dekanna ara’na, belanna masa’ga’. La kupopentialla’ lan lu mintu’ bati’na Yakub sia la kupasisarak-sarak lan lu to Israel.

2 OSSORANNA DATU 36:17

Napasaeammi datu to Kasdim tu tau iato mai, tu umpepai pa’dang tu mintu’ to manguranna muane lan inan maindanna, tae’mo nakasayangi tu to mangura muane ba’tu anak dara, ba’tu to matua sia to ubanan; mintu’nato Nasorong nasang tama kuasanna.

PA’PUDIAN 106:27

Sia Napasiapanan tu mai bati’na dio lu to’ bangsa, sia la Napatisambo’-sambo’ lako mintu’ tondok.

PA’PUDIAN 106:44

Moi anna susito, ke Natiroomi tu kamandasanna tau iato mai, sia ke Narangioi tu mai pengkamala’na.

YESAYA 24:2

La Natallanni tu mai to minaa susi dukato tu to buda, sia to ma’kekaunan susi dukato tu kaunan, sia baine to kapua susi dukato tu baine naruranni, sia to ma’baluk susi dukato tu to mangalli, sia to ma’pasuka’ susi dukato tu to massuka’, sia to ma’pedenne’ susi dukato tu to ma’denne’i.

YESAYA 47:6

Re’dek tu ara’Ku lako taungKu sia Kuruttakki tu to Kupomana’, angKu sorongi tama limammu, apa tae’ ammu katirinnai tu tau iato mai; moi na iatu mai to matua mupabokkokki duka pamaan magasa.

YEREMIA 15:4

Sia la Kupadadi misa’ apa metakuran tu tau iato mai lako mintu’ kadatuan lan lino, belanna Manasye, anakna Hizkia, datu Yehuda tu diona apa mangka napogau’ lan Yerusalem.

YEREMIA 24:9

Kueloran tu tau iato mai napakario-rio sia nasanggang mintu’ kadatuan lan lino sia la dadi kaditattan sia dipoparumbasan sia kaditellean sia tampakan ropu dio lu mintu’ inan, tu la Kunii umpatisambo’i tu tau iato mai.

YEREMIA 52:24

Natingkanmi pangulu to ma’kampa tu Seraya, tominaa kapua, sia Zefanya, tominaa ma’penduanna, sia iatu tallu to ma’kampa ba’ba.

BATING 2:20

O PUANG, tiroi sia pemarangai! Mindara tu Mipasusito? Sipaturaka tu baine ungkande anakna, iamotu pia naria? Sipaturaka lan inan maindanNa Puang dipatei tu to minaa sia nabi?

BATING 2:6

Narondonnimi tu tendaNa ten to rompo, iatu inan kasitammuanNa Nasanggangmo. Napamalingmo PUANG tu tau lan Sion. Anna tang ungkilalai pa’gauran sia allo katorroan, sia diona kama’lulu-luluanna kasengkeanNa anNa sayui tu datu sia to minaa.

BATING 5:12

Natoke’ tu mintu’ arung dao kayu, sia tae’ nakasiri’i tu lindona to matua.

YEHEZKIEL 5:10

Iamoto lan lu tangngamu iatu ambe’ la ungkande anakna na iatu mai anak la ungkande ambe’na. Aku la umpaolaiko salunna, na mintu’ tu torrona dio mai kalemu la Kuambo’ lako mintu’ matanna angin.

PA’TOLE 28:25

PUANG la ussorongko lako ualimmu, ammu talo. Sangbambari tu lalan la munii sae unneai, apa pitu tu lalan la munii mallai dio mai tingayona, muurungan dadi misa’ katirambanan lako mintu’ kadatuan lan lino.

PA’TOLE 32:26

Moronganna angKu ma’kada Kukua: La Kusapui pala’ tu tau iato, sia Kupurai tu kapengkilalanna dio lu ma’rupa tau,

IBRANI 8:9

Tae’ nasusi tu basse mangka Kutanan sola nene’ to dolona, tongKu toei tu limanna, angKu rendenni tassu’ lan mai tondok Mesir. Belanna tae’ nakaritutui tu basseKu, anna tae’ Kupoinaai, kadanNa Puang.