BATING 4:14 - Sura' Madatu

¹⁴ Sumasak butung to buta dio lu lalan, umpentombang rara; narumbu pakeanna tu apa napemalii ungkaka’i.

BATING 4:14 ပူးပေါင်းရင်းမြစ်များ

YESAYA 1:15

Iammi umpatado pala’ mabusammi, la Kupasalaikomi mata; moi umpamakambankomi passambayangmi, tae’ duka angKu la umperangii; belanna limammi umpentombang rara.

YESAYA 56:10

Iatu mintu’ tu to ma’kampana tau iato mai buta, moi misa’ tae’ natandai, mintu’i susi asu mamang, tu tang naissan ma’buroro; tikkaru’du’ anna umbambang rokko, sia naporai bang mamma’.

YEREMIA 2:34

Ondongpi iatu rara to makaasi-asi tu tae’ nakasalan kaanan dio biring dodomu tu tae’ lenpa muapparanni ungkakei banua.

YEREMIA 26:8

Iatonna mangkamo tu Yeremia umpokadai tu mintu’ apa Napasan PUANG la diparampoan to buda, natingkanmi mintu’ to minaa, nabi sia mintu’ to buda sia nakua ungkuanni: Manassa la dipateiko.

YEHEZKIEL 23:45

Apa to malambu’ la umpaolai salunna situru’ salunna, tu dipapatuan baine pasandak salu, sia iatu mai baine umpatibollo rara, belanna pasandak salu sia le’ke’ tu rara dio limanna.

HOSEA 4:2

Ma’tampakki ropu, mo’rang, papatean, boko sia pasandak salu lako rampanan kapa’! Kamasa’garan sia kaumpatibolloan rara situru’-turu’.

ZEFANYA 1:17

Attu iato la Kupapussak tu tolino, naurunganni male butung to buta, belanna kasalammo tu tau iato lako PUANG, sia la tibollo tu rarana susi barra’-barra’ sia iatu tambuk barinni’na la tiampa’ susi tai.

KADIBILANGAN 19:16

Minda-minda duka la ungkaka’ to mate nakande pa’dang dio lu padang, ba’tu batang rabukna tau, ba’tu bukunna misa’ tau, ba’tu panglamunan, la maruttak pitung allo.

KADIBILANGAN 35:33

Susimoto da’ mipakasarembanganni tu tondok minii ma’tondok, belanna iatu rara umpakasarembangan tondok, sia tae’ nama’din dipadenan kadiseroian kasalan tu tondok diona rara tu dipatibollo lan tondok iato, sangadinna tete dio rarana to mangkamo umpatibollo rara iato.

MATIUS 15:14

Elo’na ia namale. Perenden butanna ia to buta tu tau iatu mati’. Iake to buta urrenden to buta, inang la tobang sola duai rokko garuang.

EFESUS 4:18

tu dipamalillinmo tangnga’na sia nasarakkimo kabagan lan kalena dio mai katuoan lu dio mai Puang Matua, belanna kamakarrasanna penaanna.