BATING 4:11 - Sura' Madatu

¹¹ Napasundunmo PUANG tu kare’dekan ara’Na. Nabarrakan tu kadukkuanna kasengkeanNa. Ondong pissan Napadukkumo tu api lan Sion, tu umpepurai nakande tu parandangan tembo’na.

BATING 4:11 ပူးပေါင်းရင်းမြစ်များ

YESAYA 51:20

Mintu’ anakmu limpu nasangmo dio lu to’ tetuk lalan, susi nuang naala patuang: nalango liumo kare’dekanNa PUANG sia pa’garrakNa Kapenom- bammu.

YEREMIA 13:14

Sia Aku la umpasitumbuk simisa’i tu tau iato mai anna sanggang, anna mintu’ ambe’ situmbuk tu mai anakna muane, kadanNa PUANG; tae’ angKu la ungkaturu-turui sia umma’tananni penaa sia ungkamasei, Kutang la ussabu’iri tu tau iato mai.

YEREMIA 17:27

Apa iake manokakomi umperangiiNa’, kumua: la mipamadatu tu allo katorroan sia da mimamaa sia umbaa pamaan tama babangan Yerusalem ke allo katorroan, manassa la umpadukkuNa’ misa’ api lan babanganna, tu la ussappii mintu’ tongkonan layukna Yerusalem sia tang pa’de-pa’deanna.

YEREMIA 21:14

Belanna Aku la umpapakkannikomi sitinaya bua penggaurammi, kadanNa PUANG sia Akumo la umpadukku api lan to pangala’na, anna lallei tu mintu’ apa untikui.

YEREMIA 36:7

Den sia manii upa’ tu palakunna dipenomban dio oloNa PUANG, anna pantan mengkatoba’ tu tau iato mai dio mai lalan kadakena; belanna lendu’ kapuana tu kasengkeanNa sia kare’dekan ara’Na PUANG, tu Napakarranganni te bangsa iate.

YEREMIA 7:20

Iamoto, kadanNa Puangta PUANG, iatu kasengkeangKu sia kare’dekanna ara’Ku la tibarrak indete inan iate, lako tolino sia lako mintu’ olo’-olo’, lako mintu’ garonto’ kayu dio lu padang sia lako mintu’ bura padang; iamoto tu la dukku tang pa’de-pa’de.

BATING 2:1

Ma’patumbai tu Puang tu diona kare’dekan ara’Na anNa pasamboi salebu’ tu anak dara Sion! Iatu kamala’biranna Israel Napempa’nakanmo dao mai langi’ rokko lino, tae’mo Nakilalai tu pelleseanNa tonna attu kare’dekanna ara’Na.

BATING 2:17

Napogau’mo PUANG tu apa mangka Natangnga’, Napalanda’mo tu apa mangka Napokada, tu apa mangka Napa’parentan tempon dio mai; Mangrabunnimo, tang Nakatirinnai len. Napasende tu ualimmu diona iko, Napalayangmo tu tandukna mintu’ to umbali-baliko.

BATING 2:3

Diona kadukkuanna kasengkeanNa Nata’takki tu mintu’ tandukna Israel. Naporonan sule tu lima kananNa, tonna reke’i ualinna; ondongpi ma’lu-lulu tu kasengkeanNa lako Yakub ten to api ma’kande tiku lao.

BATING 2:4

Nabinting tu panaNa butung to misa’ uali, Naaakammi tu lima kananNa susito pabali-bali; Napatei nasangmi mintu’ to ballo ditiro; lan tendana anak dara Sion Nabarrakan tu kare’dekan ara’Na ten to api.

BATING 2:8

Nara’ta’mo PUANG la Nasanggang, tu rinding tembo’na anak dara Sion. Nae’te’mo tu ulang pesuka’ sia tang Napodoran tu limanNa la pasanggang. Iatu baba tembo’ sia rinding tembo’ Napamadu’sen, anna sangtibambangan.

BATING 4:22

Upu’mo tu kakadakeammu, e anak dara Sion, tae’mo anNa la umpali’ko Puang. La napapakkanni Puang tu mintu’ kakadakeammu, e anak dara Edom, sia la Napapayan tu kasalammu.

YEHEZKIEL 22:31

Iamoto Kubarrakan kasengkeangKu lako tau iato mai; sia Kupapurai api kare’dekan ara’Ku; iatu gau’na Kupasule langngan botto ulunna, kadanNa Puangta PUANG.

YEHEZKIEL 36:18

Iamoto Kubarrakanni tu kare’dekan ara’Ku lako tau iato mai natumang rara mangka napatibollo sia belanna naruttakki tete dio rapang-rapang dipodeatanna.

YEHEZKIEL 6:12

Minda-minda tu mambelanna la mate napobua’ ra’ba biang, minda-minda tu mandappi’na la tibambang nakande pa’dang; na minda-minda tu torronapa sia tilendoknapa la mate napobua’ karorian; la Kutappui tu mintu’ kare’dekan ara’Ku la Kuparampoan tau iato mai.

DANIEL 9:12

Napalanda’mo tu mintu’ kadanNa, tu mangka Napokada diona kami sia diona mintu’ to ma’parentaki, tu umparentakan, belanna Naparampoikan kasanggangan lendu’ kapuana, susitu tae’ bangpa nadadi lan mintu’ nasambo langi’, sangadinna lan manna Yerusalem.

SURA’ KATOMINAAN 26:28

manassa la Kulaoikomi sia la Kuparampoikomi kare’dekan ara’Ku, ondongpi la Kupa’dikkikomi pempitu diona kasalammi.

ZEFANYA 2:2

ke tae’pi nadipalalo tu apa Napondok Puang – belanna iatu sangallo lendu’ susi ta’pian mettia’ –, ke tae’pi narampoikomi tu kasengkean dukkunNa PUANG, ke tae’pi narampoikomi tu allo kasengkeanNa PUANG.

ZAKHARIA 1:6

Moi nasusito, apa iatu mintu’ kadangKu sia mintu’ atorangKu, tu mangka Kupatangkean taungKu, iamotu mintu’ nabi iato, tae’raka nalambi’i tu nene’ to dolomi, naurunganni mengkatoba’, anna ma’kada nakua: Susi tanan penaanNa PUANGna mintu’ ma’dandan maritik la umpogau’i lako kaleki, situru’ kedoki sia situru’ penggaurangki, susi dukamoto Napogau’ lako kaleki?

LUKAS 21:22

Belanna iamo allo dinii umpabala’i, kumua anna sundun tu mintu’na disura’na.