Papakkanni tu tau iato mai sitinaya gau’na, sia sitinaya kakadakeanna penggauranna; papakkanni sitinaya lalan limanna, pabala’i tau iato mai sitinayanna tu napogau’na.
Apa o PUANGna mintu’ ma’dandan maritik, Tomangra’ta’ malambu’ sia tu untoba ba’teng sia penaa, inang la kutiro tu pa’bala’Mi lako tau iato mai, belanna lako Kalemi kunii ussorongi tu kara-karaku.
O PUANG, Kamu unnissanni, kilalaina’ dikka’, pokarianganna’ sia pembalaranna’ lako mintu’ to unnula’na’! Da Misabu’ina’ tete dio pesuka’ kalandoMi; tandai, kumua untanggungna’ kaditattan belanna Kamu.
Arrakki tu mintu’ to ma’pana ullaoi Babel sia mintu’ to umbinting panana; patama limbui, da naden misa’ tau mallai tilendok! Pabala’i sitinaya mintu’ penggauranna sia pogau’i lako susitu mintu’ apa mangka napogau’. Belanna matampo pabali-bali lako PUANG, tu Tomaserona to Israel.
Belanna iatu pa’kasanggang sae ullaoi Babel sia iatu mai pa’baraninna dirampa sia le’to tu mintu’ panana, belanna iatu PUANG, Puang Matua ma’pabala’, manassa la ma’pabala’i.
Mallaikomi lan mai Babel, pantan la umpallaiangkomi katuoammi; da misanggang, ke naukungi Puang tu kakadakeanna, belanna attu iamote tu pa’bala’Na PUANG, la Nanii umbenni poleanna sitinaya penggauranna.
Papakkanni lako kalena susitu napogau’na sia popanglokkon penduanni na iatu mintu’ penggauranna; na iatu lan irusan mangka napasito’bo’, to’boranni manglokkon penduan.
Metambami umpekapuai gamaranna nakua: Sangapapi, o Puang maindan sia tongan, Mimane unnukungi sia umpembalaran raraki lako mintu’ to untongkonni kuli’na padang?
