BATING 3:37 - Sura' Madatu

³⁷ Mindara tu ma’kada manna nakombongmo? Ke tae’i anNa Puang umpasanni?

BATING 3:37 ပူးပေါင်းရင်းမြစ်များ

2 SAMUEL 16:10

Apa nakua datu: La siapariki’, e anakna Zeruya? Da’ito natampakkina’ ropu! Iake Nakuai PUANG lako: Tampakki ropu tu Daud, mindaopa la ma’kada kumua: Ma’apai mupogau’i to?

1 DATU 22:34

Apa den misa’ tau tu tae’ naangga’i ma’pana, anna ruai tu datu to Israel dio to’ pa’pasitammuan bayu kararran. Nakuami lako tu to untoe ulang darang karetana: Bintii sule tu ulang, ammu solanna’ sun lan mai to’ surodadu, belanna bangkemo’.

2 DATU 6:33

Marassan bangsia sipa’kada-kada tau iato mai, ta’kala saemi tu pesua lako kalena. Nakuami tu datu: Manassa mandu tongan tu kamandasan naparampoangki’ PUANG! Apara gai’ku urrannuampa PUANG?

AYUB 10:13

Apa inde sia tu Mibuni lan penamMi-kutandai kumua iatu iannate mipangudumo –,

AYUB 2:10

Apa mebali lako bainena nakua: Susiko misa’ to maro-maro ma’kada; ia mannaraka tu melona la tatarima dio mai Puang Matua, anna kadakena tae? Lan te mintu’nate tae’ tu kada sala sun dio pudukna Ayub.

KATASSURAN 10:10

Nakuami Firaun ungkuanni sola duai: Na PUANGmora urrondongkomi, ke la susinna kupalalokomi male sola tu mai anakmi! Kanandaimi, dako’pa naruakomi kasanggangan.

SARAMBU PEADA’ 16:9

Iatu penaanna tolino untangnga’-tangnga’ lalanna, apa PUANG unnato’i tu tengkana.

SARAMBU PEADA’ 19:21

Buda tu natangnga’ tau lan penaanna, apa iatu NapantokNa PUANG tang leluk.

SARAMBU PEADA’ 21:30

Tae’ tu kakinaan sia tae’ tu tangnga’ kinaa, tae’ duka tu bisara, ke umpennoloiki’ PUANG.

YESAYA 46:10

Tu umpokadai randuk tipamulanna sae lako ma’katampakanna tu apa la dadi sia tempon dio mai tu apa tae’pa; tu ma’kada nakua: La dadi tu panglampakKu sia la Kupogau’ tu mintu’ pa’poraiangKu;

YEREMIA 23:32

Manassa Aku la ullaoi tu mai pa’nubua’ tu umpokada pangimpi tang tongan, kadanNa PUANG, tu naulelean tau iato mai la umpapusa taungKu tete dio kada tang tonganna sia passedena; tae’ra Kusuai sia tae’ Kupasanni tu tau iato mai; iatu tau iato mai moi misa’ tae’ gai’na lako bangsa iate, kadanNa PUANG.

DANIEL 4:35

Iatu mintu’ to untongkonni kuli’na padang direken tae’ bang gai’na; Napogau’i lako tu mintu’na angge maritik dao langi’ sia mintu’nato untongkonni kuli’na padang unturu’ pa’poraianNa, sia moi misa’ tau tae’ untukka’i tu limanNa, ba’tu ma’kada lako Kalena kumua apara tu Mipogau’?

ROMA 9:15

Belanna Nakua Puang Matua ma’kada lako Musa kumua: La maturu-turuNa’ untiro to Kukaturu-turui sia mamaseNa’ untiro to Kukamasei.

EFESUS 1:11

Lan dukamo Kalena tanii dipadadi mana’, dilampak unturu’ tanan penaanNa Puang Matua, tu umpakedo mintu’na, situru’ lalan pa’inaanNa.