BATING 3:33 - Sura' Madatu

³³ Belanna tangia lalan penaanNa Napandasai sia Naparossoi tu mai ma’rupa tau.

BATING 3:33 ပူးပေါင်းရင်းမြစ်များ

AYUB 37:23

Iatu Puang umpoissan angge maritik tu tae’ tatandai, kapua kamatotoranNa sia kamalamburanNa; tu liu kamaloloanNa, tang umpakelok malolona.

PA’PUDIAN 119:67

Iatonna tang urrampoipa’ parri’, pusana’, apa totemo umpengkaolaimo’ kadamMi.

PA’PUDIAN 119:71

Melo duka sia angku mangkamo narua parri’, kumua angku ma’din umpelada’i tu mintu’ apa Mipondok.

YESAYA 28:21

Belanna la ke’de’ tu PUANG, susi tonna dao buntu Perasim sia kedo susi tonna dio lombok Gibeon, la ungkarang pengkaranganNa – iatu pengkaranganNa la memangngan; la umpogau’ penggauranNa – na iatu penggauranNa la makalaen-laen.

BATING 3:34

Iake nalullu’-lullu’i tau tu mintu’ to ditarungku dao kuli’na padang.

YEHEZKIEL 18:32

Belanna tae’ naalai penaangKu tu kamateanna to la mate, kadanNa Puangta PUANG; iamoto balikkomi, ammi tuo.

YEHEZKIEL 33:11

Ma’kadako lako tau iato mai kumua: La lelukraka tuoKu, kadanNa Puangta PUANG, tae’ naalai penaangKu tu kamateanna to tang mekaaluk, sangadinna mandu naala penaangKu, ke tibalikki tu to tang mekaaluk dio mai lalanna, anna tuo. Tibalikkomi, tibalikkomi dio mai lalan kadakemi. Belanna ma’apari ammi la matera, e to Israel?