BATING 3:32 - Sura' Madatu

³² Belanna iake mangkaMi meparosso, mekamaseioMi sitinaya kakapuanna kamaturu-turuanNa.

BATING 3:32 ပူးပေါင်းရင်းမြစ်များ

2 DATU 13:23

Apa Nakarimmanni PUANG tu tau iato mai sia Nakamasei, anna pessailei belanna basseNa sola Abraham, Ishak na Yakub; tae’ Namorai ussanggangi sia tae’pa Nasualei tu tau iato mai dio mai oloNa.

PA’PUDIAN 103:11

Belanna susi sikalangka’na langi’ anna lino, susi dukamoto tu kapuana kamasokananNa lako mintu’ to ungkataku’I

PA’PUDIAN 30:5

PakendekanNi pa’pudian tu PUANG, e mintu’ tu to Naala mase, sia pudii tu sanga madatunNa.

PA’PUDIAN 78:38

Apa belanna kamamaseanNa Naseroi tu salana tau iato mai sia tae’ Nasabu’i; nenne’ poleo’I unta’tan sengke budanNa, sia untemme’ ara’ rumeke-mekeNa.

KATASSURAN 2:23

Masaipa alla’na to namane mate tu datu Mesir; iatu to Israel tontong bang sumarro belanna magasa pa’diamanna sia silallakan, naurunganni iatu pengkamoyana diona pa’diamanna rampomo lako oloNa Puang Matua.

KATASSURAN 3:7

Ma’kadami tu PUANG, Nakua: Kutiro tonganmo tu kamandasan rampo lako taungKu dio Mesir sia Kurangimo sarrona napobua’ mintu’ bandoro’ masarrangna sia Kuissan tonganmo tu mintu’ kamaparrisanna.

YESAYA 27:8

Miea tu tau iato mai diona kadiula’ina sia kadisuale-palaranna: Nabaamo angin bara’Na Puang, tonna liu bara’ matallo.

YESAYA 54:7

Sattu’roko Kutampe, apa tete dio kakapuanna mamaseKu, angKu alako sule.

YEREMIA 31:20

Tang anak pa’kaboro’Kuraka tu Efraim, tang anak Kukamasei tonganraka, Kuurunganni pempiran-piran umpokadai tu a’ganna, tontong bang Kuparinaa? Iamoto tiakka’ tu penaangKu diona a’ganna; manassa la Kukaturu-turui, kadanNa PUANG.

BATING 3:22

Belanna mintu’ tanda pa’kamaseNa PUANG, anna tae’ tasanggang, belanna iatu mai kamamaseanNa tae’ upu’na.

HOSEA 11:8

Umba la Kukua ussa’biangangko, e Efraim, umba la Kukua ussorongko, e Israel? Umba la Kukua ussa’biangangko susi Adma, sia la umpapadako Zeboim? Tibalik senga’omo tu penaangKu, anna tiakka’ tongan tu kamamaseangKu.

NAHUM 1:12

Inde sia tu kadanNa PUANG: Moi anna tepu tu kamatotoranna sia moi tarru’ buda, manassa la susi dukato tu tau iato mai la disasa’, naurunganni tappu. Moi angKu mangka unti’tinko, manassa tae’mo Kula untolei unti’tinko.

LUKAS 15:20

Pakalan ke’de’mi narampo lako to’ ambe’na, apa mambela bangsiapa natiromi ambe’na, natibaliang ara’na sia mamasseng namale ma’dondo-dondo umpessitammui, naraka’i sia naudung.

TO PARENGNGE’ 10:16

Iatu rapang-rapang dipodeata dio lu tau iato mai natibemo, anna umpengkaolai PUANG; attu iato tang masemo penaanNa Puang untiroi tu kamandasanna to Israel.