BATING 3:19 - Sura' Madatu

¹⁹ Kilalai dikka’ tu kamaparrisangku sia salamba salaoku, sia iatu mai apsantin sia rasun.

BATING 3:19 ပူးပေါင်းရင်းမြစ်များ

NEHEMIA 9:32

Totemo, o Kapenombangki, Kapenomban pasareongan, mawatang sia dikabangnga’, tu ungkaritutui basse sia kamasokanan, da Misanga maringanni tu mintu’ kamandasan urruakanni, la datungki la pangulungki, la tominaangki la nabingki la nene’ todoloki sia mintu’ taumMi, randuk dio mai linona datu Asyur sae lako allo iate.

AYUB 7:7

Kilalai iatu katuongku sangpenaanri; sia iatu matangku tae’mo nala untiroi tu melona.

PA’PUDIAN 132:1

Nanian Hamaa’lot. O PUANG, kilalai tu Daud, sia mintu’ kamara’tasanna;

PA’PUDIAN 89:47

O PUANG, sangapapoKomi la tontong bang membuni, sia sangapapi la dukku susi api tu kasengkeamMi?

PA’PUDIAN 89:50

O Puang, umbamira tu mintu’ kamasokanamMi pirambongi’, tu mangka Mialluran Daud, Mipasiindo’ sumpa diona kamarurusamMi?

YEREMIA 8:14

Ma’apai anta la unno’ko’ indete? Sirampunkomi, maikomi tatama tondok ma’tambakuku, moi tadio lu, inang la sanggang dukaki’, belanna Nasorongmoki’ PUANG, Kapenombanta, lako kasanggangan sia Napairu’moki’ rasun, belanna kasalanmoki’ lako PUANG.

YEREMIA 9:15

Iamoto nakua kadanNa PUANGna mintu’ ma’dandan maritik, Kapenombanna to Israel, kumua: Tonganna la Kupakande apsantin sia la Kupairu’ rasun tu tau iato mai.

BATING 3:15

Napedia’imo’ kamapassikan sia Napairu’mo’ apsantin.

BATING 3:5

Napalilingina’ rasun sia kamaparrisan ma’toppo’-toppo’.