BATING 3:10 - Sura' Madatu

¹⁰ Iamo butung misa’ beruang mangamu’ lako kaleku, butung misa’ singa dio to’ kabunianna.

BATING 3:10 ပူးပေါင်းရင်းမြစ်များ

AYUB 10:16

Iangku adongan ulungku, manassa iatu Puang susito singa unnula’na’ sia Mipakitan pole’na’ kuasa kalle-kalleamMi.

PA’PUDIAN 10:9

Mangaung dio to’ kabunianna butung to singa lan to’ kakayuanna; sia mangaung la undammak to dipandasa. Nadammakmi tu to dipandasa, nariu’i tama bundena.

PA’PUDIAN 17:12

Butungi to singa maduang la ussammang pealanna, sia butung to anak singa ma’pakari’di’ lan to’ kabunianna.

YESAYA 38:13

Sae lako melambi’na kunii undaka’i tu kamanamanan. Susito singa tu Puang ulle’to mintu’ bukungku. Misa’bianganmo’ allo bongi.

BATING 3:11

Natutu’ bang tu lalanku sia Nadammakna’, Napapussakna’.

BATING 3:9

Mintu’ batatta la kuola Napalapa’imo batu dipa’, mintu’ lalanku Natuan-tuanmo.

HOSEA 5:14

Belanna susiNa’ misa’ singa lako Efraim sia susi misa’ singa mangura lako bati’na Yehuda. Aku, Akumo la usserek-serekki, Kumane male; la Kusintak, natae’ misa’ tau la urrampananni.

HOSEA 6:1

Maikomi, anta sule lako PUANG! Belanna Iamo mangka usserek-serekki’, sia Ia la umpamondoki’, Ia umbambaki’, sia Ia la umbimbinki’.