BATING 2:9 - Sura' Madatu

⁹ Iatu babanganna lamma’ nasang rokko padang, iatu salli’na nasanggangmo sia Natesse-tesse; iatu datunna sia iatu mai arungna mentialla’mo dio lu mintu’ bangsa, iatu pangadaran diona sukaran aluk tae’mo; sia iatu mai nabi tang unnappa’mo patiro mendeata dio mai PUANG.

BATING 2:9 ပူးပေါင်းရင်းမြစ်များ

2 DATU 25:7

Napateimi tau iato mai tu mintu’ anakna muane Zedekia dio tingayona; sia napesuan datu Babel umpopebutai patomalii tu matanna Zedekia sia umpungoi da’dua rante tambaga, anna solanni tau lako Babel.

2 OSSORANNA DATU 15:3

Masai allomo tu to Israel tae’ Kapenomban tonganna, sia tae’ to minaanna, tu ma’pangada’, sia tae’ tu sukaran alukna.

NEHEMIA 1:3

Ma’kadami tu tau iato mai lako kaleku nakua: Iatu mintu’ to torropa, iamotu torronapa dio mai to dipali’, tu lan propinsi iato, lan kamandasan kapua sia kadibelleran, sia iatu rinding tembo’ Yerusalem ro’pokmo, na iatu babanganna pura diballa api.

PA’PUDIAN 74:9

Tae’mo tandaki kitiro, tae’ bangmo misa’ nabi, sia tae’ bangkan misa’ unnissanni, kumua ba’tu la sangapapa te iannate.

YESAYA 24:12

Kasanggangan mannamo tu lan tondok iato, sia iatu ba’ba babangan songka tipa’- ramo-ramo.

YEREMIA 14:14

Apa ma’kada PUANG lako kaleku Nakua: Tae’ natongan tu apa napokada mintu’ nabi iato tete dio sangangku; tae’ Kusuai tu tau iato mai, ba’tu umpasanni, ba’tu ma’kada lako kalena. Iatu pa’nubua’na lako kalemi iamo patiro mendeata tang tongan sia kapakita-kitan tae’ gai’na sia pa’pakena bu’tu lan penaanna.

YEREMIA 23:16

Nakua kadanNa PUANGna mintu’ ma’dandan maritik, kumua: Da miperangii tu kadanna mintu’ nabi tu ma’nubua’ lako kalemi, belanna tau iato mai umpapusakomi diona apa tae’ gai’na, sia umpokada apa pangala penaanna, tu tae’ natassu’ dio pudukNa PUANG.

YEREMIA 39:2

Iatonna taun ma’pessangpulo misa kadatuanna Zedekia, bulan ma’penna’pa’ sia allo ma’pengkaseranna bulan iato, ditossomi tu tambakuku kota.

YEREMIA 39:8

Iatu tongkonan layukna datu nasumpun to Kasdim, sia iatu mai banuanna to buda, sia mintu’ tembo’ Yerusalem natuan.

YEREMIA 51:30

Iatu mintu’ pa’baraninna Babel natorroimo parari, sia unno’ko’ tu tau iato mai lan tu tambakuku; tae’mo tu kabaranianna, susimoto baine. Iatu banuanna tappumo diballa sia iatu salli’ ba’bana puramo disanggang-sanggang.

YEREMIA 52:14

Iatu rinding tembo’ Yerusalem tiku lao natuan nasangmo mintu’ surodadu to Kasdim tu nasolan pangulu to ma’kampa.

BATING 1:3

Iatu Yehuda lo’bangmo napobua’ kamandasan, sia napobua’ pa’diaman magasa; torro dio lu mintu’ bangsa, apa tae’ naappa’ karapasan; iatu mintu’ to unnula’i unnappa’i, lan lu kapussakan.

BATING 4:15

Metamba tu tau lako: Lendu’mokomi! To maruttak! Lendu’mokomi, lendu’mokomi, da mikaka’i lako! La mallai tu tau iato mai, ondongpi la salamba salao; melo ke nakua tau dio lu mintu’ bangsa, kumua: Tae’mo nama’din torro inde te.

BATING 4:20

Iatu penaa tassu’ dio to’ illongta, tu Natokko PUANG, didammak dio to’ kalo’tokna, tu tatangnga’ kumua: diong pentiongananna tanii tuo dio lu mintu’ bangsa.

YEHEZKIEL 12:13

La Kupae’te’i pukaKu sia la naala poyaKu; la Kusolan lako Babel, tondok to Kasdim, apa tae’ nala untiroi; sia inde to dio la nanii mate.

YEHEZKIEL 17:20

La Kutananni porro’Ku, anna alai poyaKu, angKu solanni lako Babel, nadio Kunii umpaolai salu, natumang gau’ tang maruru’na lako Kaleku.

YEHEZKIEL 7:26

Sitodon tampomo tu kamasolangan la sae sia sidanu’-danu’mo sae tu kareba. Attu iato undaka’-daka’ patiro mendeatanna nabi, sia pa’patudu putta dio to minaa sia pa’timbangan dio pekaamberan.

HOSEA 11:6

Iatu pa’dang la unta’pai tu mai kotana sia la ussanggangi tu salli’ babangan kotana sia la naimbakan tiku lao, natumang pa’tangngaranna.

HOSEA 3:4

Belanna iatu to Israel la masai torro tang didatui, tang diarungi, tang memala’ sia tae’ batu dipodeatanna, tae’ epo’na ba’tu balo’ taunna.

AMOS 1:5

La Kule’to tu salli’na Damsyik sia la Kusabu’i tu pa’tondokan lan mai Bikeat-Awen sia iatu to untoe tekken kapayungan lan mai Bed-Eden, sia iatu pa’tondokanna Aram la dipali’ lako Kir, – kadanNa PUANG.

PA’TOLE 28:36

Iatu PUANG la ussolangko sola datummu, tu muangka’ la undatuiko, lako misa’ bangsa, tu tang mutandai, la iko la nene’ to dolomu; inde to dio la munii umpenombai kapenomban senga’, iamotu kayu sia batu.

PA’TOLE 28:63

Susi kanaalanna penaanNa PUANG umpogau’ melona lako kalemi sia la umpamakambankomi, susi dukamoto la naala penaanNa PUANG la ussanggangkomi sia ummangsannikomi; sia la unnali’komi lan mai tondok, tu muala mupoapa.

1 SAMUEL 28:6

Mekutanami tu Saul lako PUANG, apa tang Napebalii PUANG, la tete dio pangimpi, ba’tu Urim, ba’tu nabi.