BATING 2:7 - Sura' Madatu

⁷ Tang Naangga’mo Puang tu inan pemalaranNa, sia Nakasirisan tu inan maindanNa, Nasorongmo tama kuasanna uali tu rinding tembo’ tongkonan layukNa. Mamak bang tu tau iato mai lan banuanNa PUANG, susi ke allo pa’maruasan.

BATING 2:7 ပူးပေါင်းရင်းမြစ်များ

2 DATU 25:9

Nasumpunmi tu banuanNa PUANG sia tongkonan layukna datu, sia iatu mai banua dio Yerusalem, iamotu mintu’ banuanna to kapua, pura nasumpun.

2 OSSORANNA DATU 36:19

Sia pura naballa tu banuanNa Puang Matua sia narondon tu rinding tembo’ Yerusalem, sia mintu’ tongkonan layukna pura naballa api, sia iatu mintu’ pareanan mellong nasanggang-sanggang duka.

PA’PUDIAN 89:39

Moi anna susito, mangkamo Misuale sia tang Mibilangmo, sia sengkemoKomi lako to Mitokko.

YESAYA 64:9

O PUANG, da Misengke tarru’ bang sia da Mitontong ungkilalai tu kakadakeangki. Tiromi sia mantami: kami sola nasang te, taumMi.

YEREMIA 21:4

Inde sia tu kadanNa PUANG, Kapenombanna to Israel: La Kupatibalik sule tu pa’buno mitoe, tu mipake dio lu salian benteng sirari datu Babel sia to Kasdim, tu untama tikuikomi, sia la Kurampun tu mintu’ pa’buno iato lan kota iate.

YEREMIA 26:18

Iatonna linona Hizkia, datu Yehuda, ma’nubua’mi Mikha, to Moresyet sia ma’kada lako mintu’ bangsa Yehuda, nakua: Inde sia tu kadanNa PUANGna mintu’ ma’dandan maritik, kumua: Iatu Sion la ditengko susi pa’lak sia Yerusalem la daun lauan, sia iatu buntu nanii Banua Kabusungan la membuntu pangala’ kamban.

YEREMIA 26:6

manassa iate banua la Kupasusi Silo, sia kota iate la Kusanggang anna sa’bu’i mintu’ bangsa dao kuli’na padang ke ma’tampak ropui.

YEREMIA 32:29

Iatu mintu’ to Kasdim, tu urrarii te kota iate la male tama anna padukkui api sia naballa sola tu mai banua, tu dao bubunganna nanii tau iato mai untunu pemala’ lako Baal sia umpemalaran pemala’ pantedok lako Kapenomban senga’, tu napobannang tau iato mai umpa’dikki penaangKu.

YEREMIA 39:8

Iatu tongkonan layukna datu nasumpun to Kasdim, sia iatu mai banuanna to buda, sia mintu’ tembo’ Yerusalem natuan.

YEREMIA 4:26

Iatu padang maelo kutiro dadimo padang pangallaran, sia mintu’ tondokna ro’pokmo dio oloNa PUANG, napobua’ katorrong-torronganNa.

YEREMIA 4:27

Belanna nakua kadanNa PUANG, Nakua: Mintu’ padang iate la Kupopempadang lo’bang, apa tae’ Kupisanni.

YEREMIA 50:28

Den kadanna dirangi tu to mallai tilendok dio mai tondok Babel la umpa’peissananni dio Sion tu pa’pakkanNa PUANG, Kapenombanta, iamotu pa’pakkanNa diona banua kabusunganNa.

YEREMIA 52:13

Nasumpunmi tu banuanNa PUANG sia tongkonan layukna datu, sia iatu mai banua dio Yerusalem, iamotu mintu’ banuanna to kapua, pura nasumpun.

BATING 1:4

Iatu mintu’ lalan lako Sion madu’sen, belanna tae’ tau sae umpakaraya pa’gauran; iatu mintu’ babanganna makarorrong, mintu’ to minaanna sisumarroan, mintu’ anak dara dio dosso inaa, sia ia kalena mapa’di’ penaanna.

BATING 2:1

Ma’patumbai tu Puang tu diona kare’dekan ara’Na anNa pasamboi salebu’ tu anak dara Sion! Iatu kamala’biranna Israel Napempa’nakanmo dao mai langi’ rokko lino, tae’mo Nakilalai tu pelleseanNa tonna attu kare’dekanna ara’Na.

BATING 2:5

Iatu Puang susimo misa’ uali. Naampello’mo tu to Israel, mintu’ tongkonan layukna Nasanggangmo, mintu’ tambakukunna Natuanmo, sia Napamakambanmo tu sarrona sia dallo riona lako anak dara Yehuda.

YEHEZKIEL 24:21

Pokadanni to Israel: Inde sia tu kadanNa Puangta PUANG, Nakua: Manassa la Kuruttakki tu inan maindanKu, tu oto’ kamatotorammi, tu mipotete massattuan, tu apa naporai matammi sia nakamali’ penaammi; na iatu mintu’ anakmi muane sia anakmi baine tu mitampena la tibambang nakande pa’dang.

YEHEZKIEL 7:24

La Kupasae tu bangsa tarru’ masa’ga’, anna tau iato mai la unnalai tu mai banuanna; la Kuputtai tu apa napomatampo to paa, sia iatu inan maindanna la dipamatuna.

SURA’ KATOMINAAN 26:31

Iatu mai kotami la Kupadaun lauanmo sia la Kusanggang tu inan maindanmi sia manokaMo’ unnudukki tu bau busarungngu’na tu apa la mitunuanNa’.

SURA’ KATOMINAAN 26:44

Apa moi torro lan tondokna ualinna, tae’ duka Kula umpamatunai sia tae’ Kukasorroi, Kuurungan ussabu’i sia Kupoka tu basseta, belanna Akumo tu PUANG, Kapenombanna.

AMOS 2:5

iamoto angKu la umpasae api lan Yehuda, naurungan unnimbakanni tu bentengna Yerusalem.

MIKHA 3:12

Iamoto kamu napobannang na iatu Sion la ditengko susi misa’ pa’lak, sia iatu Yerusalem la mendadi misa’ inan daun launan, ondongpi iatu buntu Banua Kabusungan la membuntu pangala’.

MATIUS 24:2

Mebalimi Nakua ungkuanni tinde tau: Tang mipemaranga nasangmoraka te mintu’na te? Tonganna tongan Kukua mati’, tae’ la torro indete tu batu mettodo’ dao batu senga’, tu tang la diseranna.