BATING 2:15 - Sura' Madatu

¹⁵ Mintu’ to lendu’ lalan massala’pa-la’pa diona a’gammu. Ma’telle-telle sia unniling-iling diona a’ganna anak dara Yerusalem, nakua: Iamoraka te tu kota tu disanga sundun kamaballoanna, tu napopaiman mintu’ issinna lino?

BATING 2:15 ပူးပေါင်းရင်းမြစ်များ

2 DATU 19:21

Inde sia tu kada Napokada PUANG diona datu iato, Nakua: Iatu simbolong manik, iamo anak dara Sion, untapa’ko sia untelle-telleko; iatu anak dara Yerusalem unniling-iling dio boko’mu.

2 OSSORANNA DATU 7:21

Iate banua dipamatande susito – minda-minda tu lendu’ dio, la magiang, anna ma’kada nakua: Ma’apai anNa pasusii PUANG to te tondok sia banua iate?

PA’PUDIAN 109:25

Sia nabe’semo’ tau iato mai, iake natirona’ unniling-ilingmi.

PA’PUDIAN 22:7

Apa aku te balina’ misa’ kalinting, tangia tolino, misa’ pa’be’seanna tolino, sia nakagi’gi’ to kamban.

PA’PUDIAN 48:2

Iatu Puang mala’bi’ sia sipatu tongan dipudi lan kotaNa Kapenombanta, dao buntu maindanNa.

PA’PUDIAN 48:3

Iatu buntu Sion maelo malangka’na daanna lu tampak ulunna salu, iamo naposende sangullele lino, Sia iamo kotana Datu kapua.

PA’PUDIAN 50:2

Iatu Puang Matua pangkillang dio Sion, sundun kamaballoanna.

PA’PUDIAN 64:8

Apa Natinaranni Puang Matua tu tau iato mai, anNa ta’pa umbangkei.

YESAYA 28:21

Belanna la ke’de’ tu PUANG, susi tonna dao buntu Perasim sia kedo susi tonna dio lombok Gibeon, la ungkarang pengkaranganNa – iatu pengkaranganNa la memangngan; la umpogau’ penggauranNa – na iatu penggauranNa la makalaen-laen.

YESAYA 37:22

iamote tu kada Napokada PUANG diona datu iato, nakua: Iatu simbolong manik, iamo anak dara Sion, untapa’ko sia untelle-telleko; iatu anak dara Yerusalem unniling-iling dio boko’mu.

YESAYA 64:11

Iatu banua maindanki sia mala’bi’ tu nanii nene’ to doloki umpudi-pudiKomi, puramo naballa api sia mintu’ apa keangga’ki daun lauan nasangmo.

YEREMIA 18:16

naurunganni napopendadi apa napotiramban tau tu tondokna sia tontong dadi misa’ apa natelle tau; minda-minda ullendu’i la tiramban sia unniling-iling.

YEREMIA 19:8

Sia kota iate la Kupopendadi apa napotiramban tau sia dadi misa’ apa nabellu’i tau; minda-minda ullendu’i la tiramban sia natelle-telle belanna diona mintu’ kasangganganna.

YEREMIA 25:18

iamotu Yerusalem sia mintu’ kota Yehuda sola mintu’ datunna sia arungna, la dipadaun lauammo, la disabu’i anna potirambanni tau, sia la natelle-telle sia la tampakan ropu, susite allo iate;

YEREMIA 25:9

iamoto la Kusua tu mintu’ bangsa daa mai ulunna salu, kadanNa PUANG, sia ia duka tu Nebukadnezar, datu Babel, taungKu, sia la Kupasae tu tau iato mai ussanggangi te padang iate sia mintu’ pa’tondokanna, sia mintu’ bangsa tiku lao, sia la Kusabu’i butung pepayu sia la Kupopendadi apa napotiramban tau sia apa nabellu’i tau sia nabelle’i sae lakona.

YEREMIA 26:6

manassa iate banua la Kupasusi Silo, sia kota iate la Kusanggang anna sa’bu’i mintu’ bangsa dao kuli’na padang ke ma’tampak ropui.

YEREMIA 29:18

Kuula’ pa’dang sia Kuparampoi karorian sia ra’ba biang tu tau iato mai sia la Kupadadi misa’ apa metakuran lako mintu’ kadatuan lan lino, sia apa nasa’bu’ tau, ke ma’tampak ropui sia apa megiangan sia apa nabellu’i tau sia kaditattan dio lu mintu’ bangsa, tu la Kunii unnula’i male tu tau iato mai.

YEREMIA 48:27

Tang mutelle-telleraka tu to Israel; dikabu’tuiraka sola to boko, muurunganni unniling-iling, ke mulambi’ kadaoi tu diona a’ganna?

YEREMIA 51:37

Iatu Babel la daun lauan sia napoinan serigala sia dadimo misa’ apa megiangan sia ditelle, sia tae’mo natorroi tau.

BATING 1:21

Narangimo tau iato mai umba nakua tu sarroku; apa moi misa’ tau tae’ tu umpakatanana’; narangi mintu’ ualingku tu kamandasangku; parannu-rannumo tu tau iato mai, belanna Mipogau’mo tu iannato, belanna Miparampomo tu allo mangka Mipa’peissanan – kenna dadiora susi aku tu tau iato mai,

BATING 1:8

Lendu’ tongan kapuana tu kasalanna Yerusalem; iamoto naboko’i tau susito misa’ tau maruttak; iatu mintu’ to umpangke’i, untattami, belanna natiromo tu kama’kambelanganna; ia kalena duka sumarro sia memboko’.

BATING 2:16

Napengangaimoko sadangna mintu’ ualimmu, ma’telle-telle tu tau iato mai sia singgarigi’-rigi’ isinna, anna ma’kada nakua: tasanggangimi. Ondong pissan iate allo iate iamo allo tapiang-piang, talambi’mo sia tatiromo.

BATING 2:6

Narondonnimi tu tendaNa ten to rompo, iatu inan kasitammuanNa Nasanggangmo. Napamalingmo PUANG tu tau lan Sion. Anna tang ungkilalai pa’gauran sia allo katorroan, sia diona kama’lulu-luluanna kasengkeanNa anNa sayui tu datu sia to minaa.

YEHEZKIEL 16:13

Sia dibeloiko bulaan sia salaka sia iatu tamangkalemu lenang melo sia sa’be sia sampin dibunga-bungai. Iatu kandemu ta’pung mani’sa’, tani’ enoan sia minna’, ammu maballo tongan, muurunganni dadi datu baine.

YEHEZKIEL 16:14

Susimoto ammu kalelean dio lu mintu’ bangsa tete dio kamaballoammu, belanna tae’mo sayuanna diona tu belo, mangka Kubeloangko, kadanNa Puangta PUANG.

YEHEZKIEL 23:32

Inde sia tu kadanNa Puangta PUANG Nakua: La muiru’ tu apa lan irusanna sangbainemu, iamotu irusan maliku sia kalua’; la napakitaiko tau sia natelle-telle; buke tu irusan iato.

YEHEZKIEL 25:6

Belanna inde sia tu kadanNa Puangta PUANG: Belanna massala’pa-la’pamoko sia mentarassa-rassamoko sia lendu’ parannummu untelle-telle tondok Israel, tu umpamapallai,

YEHEZKIEL 5:15

Nasusito la dadiko misa’ apa ditatta sia dibe’se, tu umpandan pa’pakilala sia misa’ apa napotiramban mintu’ bangsa untikuiko, ke Kuparampoimoko ukungan tete dio kasengkean sia kare’dekan ara’ sia peada’ masarrang. Akumo, PUANG, tu mangka ma’kada.

DANIEL 9:16

O Puang, ke ma’dinni, natete dio mintu’ kamaloloamMi, natilendok tu kasengkeamMi sia kare’dekan ara’Mi dio mai Yerusalem, kotaMi, iamotu buntu maindanMi; belanna diona kasalangki sia kakadakeanna nene’ to doloki na iatu Yerusalem sia iatu taumMi napamatuna mintu’ to untikuikanni.

MIKHA 6:16

Belanna mintu’ tu apa napondok Omri dikaritutui sia mintu’ penggauranna to lan banuanna Ahab, sia lolangko unturu’ pa’timbanganna, kumua angKu popendadiko misa’ apa metirambanan sia iatu mintu’ pa’tondokkanna la Kupadadi misa’ apa ditatta; susimokomito la umpassanni tu kadilo’boanna taungKu.

NAHUM 3:19

Tae’mo kameloanna tu kale le’tomu, tae’mo na la mondo tu bangkemu. Iatu mintu’ to urrangi karebammu, ussa’pa-sa’pa pala’na diona iko, belanna mindara tu tang la tontong narampoi tu kakadakeammu?

ZEFANYA 2:15

Iamote tu kota kasode-sode bang, tu tang untandai kamasussan, tu ma’kada lan penaanna nakua: Aku mannari, na moi misa’ tae’ tu senga’na. Umba nakua anna mempadang lo’bangmo, sia napoinan kapelayoan olo’-olo’ masuru! Minda-minda lendu’ inde to dio mai la ma’uik-uik untelle-tellei sia nadullu-dullu.

MATIUS 27:39

Na iatu mai to lendu’ indeto dio nasilo’bo-lo’boi sia unniling-iling,

MARKUS 15:29

Iatu to lendu’ inde to dio ullo’bo-lo’boI sia unniling-iling, nakua: Ai’! iti’ To urrondonni Banua Kabusungan natallung allori Napabendanmi suleo!