BATING 2:14 - Sura' Madatu

¹⁴ Iatu nabimmu untiroangko patiro mendeata tu apa tae’ gai’na sia tae’ patunna, tae’ natuarasangko tu kakadakeammu la undampai tu dalle’mu, untiroangko patiro mendeata, tu tae’ gai’na sia ma’pakena bang.

BATING 2:14 ပူးပေါင်းရင်းမြစ်များ

YESAYA 58:1

Pemandui metamba, da mupela’i, pekapuai tonganni tu gamarammu susi napiri tanduk ammu pokadanni taungKu tu kapatodo-tintinganna sia bati’na Yakub tu mintu’ kasalanna.

YEREMIA 2:8

Iatu mintu’ to minaa tae’ nama’kada kumua: Umbara Nanii tu PUANG sia mintu’ tu to sikambi’ sukaran aluk tae’ namorai untandaiNa’ sia mintu’ to mangkambi’ memboko’ dio mai Kaleku sia mintu’ nabi ma’nubua’ nalopian Baal sia unturu’ kapenomban tae’ gai’na.

YEREMIA 20:6

Iatu iko, e Pasyhur sia mintu’ sangdadiammu la dipali’ nasangkomi sia la rampoko lako Babel sia la mateko ammu dilamun dio, la iko la mintu’ solamu, tu munii ma’nubua’ tang tongan.

YEREMIA 23:22

Belanna iakenna la ma’dioren tu tau iato mai lan kombongangKu, manassa napa’perangian tu kadangKu lako taungKu sia napatibalik dio mai lalan salana sia dio mai penggauran kadakena.

YEREMIA 23:36

Apa damo misa’bu’i tu kada nakua: Iatu passanan tengko iato lu dio mai PUANG, belanna kadanna kalenamo tu dadi passananna simisa’-misa’i, iamotu umbulang leko’ kadanNa Puang Matua matontongan, PUANGna mintu’ ma’dandan maritik, Iamo Kapenombanta.

YEREMIA 28:15

Sia nakua duka nabi Yeremia lako nabi Hananya: Perangii, e Hananya, manassa tae’ nasuako PUANG, sangadinna iko napobannang te bangsa iate urrannuan apa tang tongan.

YEREMIA 29:21

Inde sia tu kadanNa PUANGna mintu’ ma’dandan maritik, Kapenombanna to Israel, tu diona Ahab, anakna Kolaya sia Zedekia, anakna Maaseya, tu ma’nubua’ tang tongan tete dio sangangKu, nakua: Manassa la Kusorong tu tau iato mai tama limanna Nebukadnezar, datu Babel, tu la umpatei dio pentiromi,

YEREMIA 37:19

Totemo umba siamira tu mintu’ nabimmi, tu ma’nubua’ lako kalemi, kumua: Tae’ nala ullaoikomi datu Babel sia iate tondok iate?

YEREMIA 5:31

Mintu’ nabi ma’nubua’ tang tongan sia mintu’ to minaa undi duka mesaro la’da’ sia mintu’ taungKu umporai tu iannato. Na apamora la mipogau’ ke katampakannai?

BATING 4:13

Iatu iannato buntu tumangna kasalanna tu mai nabinna, sia kakadakeanna tu mai to minaanna, tu mangka umpatibollo rarana to malambu’ lan tangnga-tangngana Yerusalem.

YEHEZKIEL 13:22

Belanna miparossomo tu penaanna to malambu’ tete dio kamo’rangan, moi natae’ Kupamasussai, sia mipamatoto’ tu limanna to tang mekaaluk, kumua da natibalik dio mai lalan kadakena, anna tuo.

YEHEZKIEL 22:25

Iatu mai arung lan tondok iato susi misa’ singa ma’burrung, tu usserek pialanna; arung iato mai unnampello’ tau sia urrampa ianan ballo sia ianan masuli’, sia umpabuda baine balu lan tondok iato.

YEHEZKIEL 22:28

Na iatu mintu’ nabinna ussapu’i kapu’ napomanamanni tau iato mai: natiro patiro mendeata ma’pakena sia ma’nubua’ buttok; nakua: Inde sia tu kadanNa Puangta PUANG, apa tae’ nama’kada tu PUANG.

YEHEZKIEL 23:36

Sia ma’kada tu PUANG lako kaleku Nakua: E ma’rupa tau, la mupaolairaka salu tu Ohola sia Oholiba? Pokadanni tu penggauran megallianna,

HOSEA 9:7

Saemo tu allo kadiukungan, saemo tu allo pa’papakkan. La naperasai to Israel te iannate. Iato nabi iato baga sia iatu to natamai penaa bomboan, napobua’ kakapuanna kakadakeammu sia belanna kakapuanna tu kamabirisan.

MIKHA 2:11

Iake denni misa’ tau ma’kedo tang kebattuan sia ma’kada tang tongan, nakua: La kupa’nubuarangko tu diona uai anggoro’ sia pangiru’ palango –, iamoto tu nabinna bangsa iate.

MIKHA 3:8

Apa iatu aku, naponnoina’ kamatotoran, sia PenaanNa PUANG, sia salunna sia kamawatangan, la umpokadanni Yakub tu kapatodo-tintinganna sia Israel tu kasalanna.

ZEFANYA 3:4

Mintu’ nabinna ma’kada punala bang, iamoto ma’gau’ tang maruru’; iatu to minaanna urruttakki mintu’ apa maindan sia ullullu’ Sukaran aluk.