BATING 2:12 - Sura' Madatu

¹² Ma’kadami lako indo’na nakua: Umbara nii tu gandung sia anggoro’? Iatonna attu iato tibambangmi ma’ipu susito ditobok dio lu tana lapang lan kota, iatonna attu iato ka’tumi tu sunga’na dio to’ susunna indo’na.

BATING 2:12 ပူးပေါင်းရင်းမြစ်များ

AYUB 30:16

Apa totemo bonnong tu penaangku lan ba’tengku, sia allo kamandasan urrampoina’.

PA’PUDIAN 42:4

Tae’mo kukumande sangadinna uai matangku mannamo kuparra keallo kebongi, belanna nakuan bangmo’ tau kiallo kumua: Umbamira tu Kapenombammu?

PA’PUDIAN 62:8

Lan Puang Matua nanii tu kasalamarangku sia kamala’birangku, iatu buntu batu matoto’ku sia pentirerungangku iamo Puang Matua.

YESAYA 51:20

Mintu’ anakmu limpu nasangmo dio lu to’ tetuk lalan, susi nuang naala patuang: nalango liumo kare’dekanNa PUANG sia pa’garrakNa Kapenom- bammu.

YESAYA 53:12

Iamoto angKu la umba’gii apa dio lu to’ buda tau, sia la sola to lalong untaa pangrampa belanna umbuang sunga’na tama kamatean, sia dipasangbilangan to kadake, moi anna urrengnge’ kasalanna buda tau sia umpassambayangan to kadake.

YEREMIA 5:17

Bangsa iamoto la umpurai nakande tu bura padangmu sia rotimmu, sia la ummangsanni tu mai anakmu muane sia baine, sia la umpurai nakande tu mintu’ dombamu sia sapimmu sia ia duka la umpurai nakande tu bua anggoro’mu sia bua ara sia ia duka la ussanggangi pa’dang tu mintu’ tondok ditambakukummu tu murannuan.

BATING 1:11

Mintu’ pa’tondokanna sisumarroan undaka’ roti; iatu mintu’ apa keangga’na napasituka’ kande, la natoean sunga’na. – Tiromi, o PUANG, sia pemarangai, umba nakua tu kaditunaiangku!

BATING 4:4

Iatu pia’-pia’ sumusupa, la’ka’ tu lilana langngan lingarona napobua’ kama’rangan, iatu mai pia umpalaku roti, apa moi misa’ tau tae’ untadoanni.

YEHEZKIEL 30:24

Iatu takia’na datu Babel la Kupamawatang sia la Kupatoei pa’dangKu, apa iatu takia’na Firaun la Kurebong, naurunganni sumarro dio olona susi sarrona to mandalan bangkena.