BATING 1:9 - Sura' Madatu

⁹ Iatu kamaruttakanna le’ke’ lako biring dodona; tae’ natangnga’-tangnga’i tu katampakanna, anna tobang rokko posi’ tana lambe’, na moi misa’ tau tae’mo umpakatanai. Tiroi, o PUANG, tu kamaparrisangku, belanna matampo tu ualingku!

BATING 1:9 ပူးပေါင်းရင်းမြစ်များ

2 SAMUEL 16:12

Den sia manii upa’ anNa tiroi PUANG tu kamaparrisangku anNa kamaseina’ kameloan la sondana tampak ropunna allo iate.

2 DATU 14:26

Belanna natiro PUANG, kumua iatu kamandasanna to Israel mapai’ tongan sia tae’mo la mala’bi’na la to bitti’na sia moi misa’ tae’ tu to patunduanna to Israel.

NEHEMIA 9:32

Totemo, o Kapenombangki, Kapenomban pasareongan, mawatang sia dikabangnga’, tu ungkaritutui basse sia kamasokanan, da Misanga maringanni tu mintu’ kamandasan urruakanni, la datungki la pangulungki, la tominaangki la nabingki la nene’ todoloki sia mintu’ taumMi, randuk dio mai linona datu Asyur sae lako allo iate.

PA’PUDIAN 119:153

Tiroi tu kamandasangku, amMi rampananna’! Belanna tae’ angku kalupai tu sukaran alukMi.

PA’PUDIAN 140:8

O PUANG, Puangku, patunduan matoto’ku, Misarongi tu ulungku ke tiosokki lempo kasirarian.

PA’PUDIAN 25:18

Tiromi tu kamaparrisangku sia kamapa’dirangku, sia pa’deimi tu mintu’ kasalangku.

PA’PUDIAN 69:21

Iatu kadibe’sean urranna’mo penaangku, napourunganni langga’ tu kaleku, untayanna’ masena tau, apa tae’ra, sia untayanna’ to ma’pakatana, apa tae’ra.

KATASSURAN 3:17

Iamoto Kuma’kada Kukua: La Kusolangkomi lan mai kamaparrisan lan Mesir lako tondok to Kanaan sia to Het sia to Amori sia to Feris sia to Hewi na to Yebus, iamotu lako tondok sebo pangandu’na sia tani’ enoan.

KATASSURAN 3:7

Ma’kadami tu PUANG, Nakua: Kutiro tonganmo tu kamandasan rampo lako taungKu dio Mesir sia Kurangimo sarrona napobua’ mintu’ bandoro’ masarrangna sia Kuissan tonganmo tu mintu’ kamaparrisanna.

KATASSURAN 4:31

Napatonganmi to buda tu kadanna Musa sia iatonna rangimi, kumua Nakilalaimo PUANG sia Natiromo tu kamaparrisanna, tukkumi menomba.

TOMANGADA’ 4:1

Kutiro pole’omi tu mintu’ pa’pakario-rio tu dipogau’ lan naarrang matanna allo, tiromi tu uai matanna mintu’ to dipakario-rio, namoi misa’ tae’ tau umpakatanai tu tau iato mai; rampe dio tu to ma’pakario-rio den kakuasan – namoi misa’ tae’ tau umpakatanai tu tau iato mai.

YESAYA 3:8

Belanna tibambang tu Yerusalem sia ra’pak tu Yehuda natumang pudukna tau iato mai sia mintu’ penggauranna umbali PUANG, tae’ namataku’ umpenunu mata mala’bi’Na Puang.

YESAYA 37:17

O PUANG, tananni talinga amMi ma’perangi, o PUANG pamillikki tu matamMi amMi tiroi sia perangii tu mintu’ kadanna Sanherib, tu mesua umparampoi, la umbe’se Puang Matua matontongan.

YESAYA 37:23

Mindara tu mube’se sia mupa’kada solangi, sia mindara mupekapuan gamarammu sia mupasolo’i matammu? Lako To maserona Israel!

YESAYA 37:29

Belanna kapabali-balian masarrangmu lako Kaleku sia kamatampoammu, tu rampomo tama pa’perangingKu, manassa Aku la umpalakoi kale’ke’Ku tu illongmu sia sanga’Ku tu sadangmu, angKu pasuleko lako tu lalan muola sae.

YESAYA 37:4

Naperangii sia manii PUANG, Kapenombangki tu mintu’ kadanna kolonel, tu nasua puangna, datu Asyur, uparampoangki’, kumua anna be’sei tu Puang Matua matontongan, anNa ukungi Puang tu belanna kada iato Narangimo PUANG, Kapenombammi; melo ke mipassambayanganni tu to torro siapa, tu denna siapa.

YESAYA 40:2

Ma’kadakomi la umpamanamanni tu penaanna to lan Yerusalem, pemandui meoli lako kalena, kumua upu’mo tu mintu’ kamasarasanna sia tila’bakmo tu mintu’ salana; naappa’mo penduan manglokkon dio mai limanNa PUANG belanna mintu’ kasalanna.

YESAYA 47:7

Mukua: La ma’parentana’ tontong sae lakona, apa tae’ ammu palanni penaammu te iannate sia tae’ mukapangi kumua la susi ma’katampakanna to.

YESAYA 51:19

Iate iannate da’dua narampoimoko – mindapara tu la umpopa’di’ko? – iamotu kasanggangan sia kamasolangan, kapangeloan sia bassi mataran – umbara la Kukua umpakatanako?

YESAYA 54:11

E iko, to mandasa sia to narua angin bara’ sia to tang dipakatana, tiroi, la Kuato’ tu batummu Kupi’da’ batu tambaga sia la Kuparandanganniko parimata lasuri’.

YEREMIA 13:27

iamotu mintu’ gau’ salamu sia kamoraian malassummu sia passulo bongi mesirisammu. Dao mintu’ tanete lan lu padang Kutiromo tu mintu’ penggauran megalliammu; upu’ allomu, e Yerusalem, sangapapira mumane la masero?

YEREMIA 16:7

Sia tae’ tau sae unti’pek-ti’pek roti tanda maindunna la umpakatana to kamatean, sia la umbenni pangiru’ pa’pakatana, moi anna ambe’na ba’tu indo’na.

YEREMIA 2:34

Ondongpi iatu rara to makaasi-asi tu tae’ nakasalan kaanan dio biring dodomu tu tae’ lenpa muapparanni ungkakei banua.

YEREMIA 48:26

Pamalangoi, belanna napatarompo’ tu kalena lako PUANG, anna tipessambak rokko luana tu Moab, sia ditelle-telle duka.

YEREMIA 5:31

Mintu’ nabi ma’nubua’ tang tongan sia mintu’ to minaa undi duka mesaro la’da’ sia mintu’ taungKu umporai tu iannato. Na apamora la mipogau’ ke katampakannai?

YEREMIA 50:29

Arrakki tu mintu’ to ma’pana ullaoi Babel sia mintu’ to umbinting panana; patama limbui, da naden misa’ tau mallai tilendok! Pabala’i sitinaya mintu’ penggauranna sia pogau’i lako susitu mintu’ apa mangka napogau’. Belanna matampo pabali-bali lako PUANG, tu Tomaserona to Israel.

BATING 1:17

Umballa’mo limanna tu Sion, apa moi misa’ tau tae’ umpakatanai; Natambaimi PUANG la unnea Yakub tu mai sanglembangna Yakub butung to pabali-bali. Iatu Yerusalem dadimo butung misa’ to maruttak lan lu tangngana tau iato mai.

BATING 1:21

Narangimo tau iato mai umba nakua tu sarroku; apa moi misa’ tau tae’ tu umpakatanana’; narangi mintu’ ualingku tu kamandasangku; parannu-rannumo tu tau iato mai, belanna Mipogau’mo tu iannato, belanna Miparampomo tu allo mangka Mipa’peissanan – kenna dadiora susi aku tu tau iato mai,

BATING 2:13

Apara tu la kupokadangko, apara tu ma’din kupasangtintiangko, e anak dara Yerusalem! Apara kupasangtenderan a’gammu la umpakatanako, o anak dara, iamotu baine anakna Sion? Belanna malua’ tu bangkemu ten to tasik; mindara ma’din undampiko?

BATING 4:1

Ma’patumbai tu bulaan namalottongmo. Anna tang pandillakmo tu bulaan massang! Iatu mai batu maindan tisambo’mo dio lu mintu’ kasepangan lalan.

BATING 5:1

O PUANG, kilalai tu mai apa urrampoikanni; tiroi sia mantai tu kadilo’boangki.

HOSEA 2:14

Sia la Kuben tu pa’lak anggoro’na dio, sia iatu lombok Akhor la Kupopendadi misa’ ba’ba pa’rannuanan. Sia attu iato la menani pole’ susi tonna mangura, iamo tonna sun lan mai tondok Mesir.

ZEFANYA 2:10

Iate apa iate la urrampoi tau iato mai pakkanna kamatampoanna, belanna ullo’bo sia umpakapua penaanna unnea taunNa PUANGna mintu’ ma’dandan maritik.

YOHANES 11:19

Budamo tu to Yahudi sae lako Marta sola Maria umpakatanai tu diona siulu’na.

PA’TOLE 26:7

metambamokan lako PUANG, Kapenombanna nene’ki, anNa perangii PUANG tu gamarangki sia Natiro tu kamandasangki sia kamasussangki sia kadipakario-rioangki.

PA’TOLE 32:27

iake tae’mi Kukataku’i tu kauntunaianna uali, kumua iatu to umbali-bali ma’tangnga’ sala, anna ma’kada nakua: Iatu limangki tarompo’, tangia PUANG unggaragai te mintu’nate.

PA’TOLE 32:29

Iake kinaai la untandai te iannate, sia la umpalan penaai tu apa la rampo ma’katampakanna.

1 PETRUS 4:17

Belanna nalambi’mo attunna tu to lan banuanNa Puang Matua randuk dipaolai salunna, apa iake kita te tu nanii randuk, apara katampakanna tu mintu’ to tang unturu’ Kareba-kaparannuanNa Puang Matua?

1 SAMUEL 1:11

Mangallonammi, nakua: O PUANGna mintu’ ma’dandan maritik, iake ma’dinni Mitiroi tu kamaparrisanna taummi sia Mikilalaina’ sia tae’ Mipaboko’i penaa tu taumMi, sangadinna la Mikamaseina’ misa’ pia muane, manassa la kusorong lako PUANG lan mintu’ allo katuoanna sia tae’ nala urrumbui piso peku’ku’ tu ulunna.