BATING 1:8 - Sura' Madatu

⁸ Lendu’ tongan kapuana tu kasalanna Yerusalem; iamoto naboko’i tau susito misa’ tau maruttak; iatu mintu’ to umpangke’i, untattami, belanna natiromo tu kama’kambelanganna; ia kalena duka sumarro sia memboko’.

BATING 1:8 ပူးပေါင်းရင်းမြစ်များ

KADADIAN 3:7

Tibungka’mi tu matanna sola duai, naissanmo kumua ma’kale-kale, nalelen-lelenmi tu daun kayu ara, nagaraga dodo.

1 DATU 9:6

Apa iatu kamu sola anakmi muane, ke toyangkomi dio mai Kaleku sia tae’ mituru’Na’, sia tae’ mikaritutui tu pepasanKu sia tu apa Kupondok, tu Kupatuduangkomi, sangadinna malekomi umpengkaolai sia tukku umpenombai tu kapenomban senga’,

1 DATU 9:7

manassa la Kuurakki tu to Israel dio mai tu padang Kukamaseanni, sia iate banua mangka Kupamarimbanganan sangangKu, la Kutumpu dio mai oloKu, naurunganni iatu to Israel la dipoparumbasan sia la dadi misa’ kaditellean dio lu mintu’ bangsa.

1 DATU 9:9

La napebalii tau nakua: Belanna tau iato mai untampemo PUANG, Kapenombanna, tu mangka ussolan nene’ to dolona tassu’ lan mai tondok Mesir anna la’ka’ lakomo kapenomban senga’ tu penaanna, sia tukkumo umpenombai sia umpengkaolai, iamoto Naparampoi PUANG lako kalena te mintu’ kasanggangan iate.

YESAYA 47:3

La dikambelangi tu kalemu sia la kakitanan tu kasirisammu. La ma’papakkanniNa’ na moi misa’ tau tae’ Kukatirinnai.

YEREMIA 13:22

Iake ma’kadako lan penaammu mukua: Ma’apai narampoina’ te apa iate? – iamotu belanna kakapuanna kakadakeammu, anna tikalili’ tu biring dodomu sia sombo tu kambutu’mu.

YEREMIA 13:26

Sia Aku kalena la ungkalili’i tu biring dodomu sae langngan lindomu anna payan tu mupomasiri’na,

YEREMIA 15:4

Sia la Kupadadi misa’ apa metakuran tu tau iato mai lako mintu’ kadatuan lan lino, belanna Manasye, anakna Hizkia, datu Yehuda tu diona apa mangka napogau’ lan Yerusalem.

YEREMIA 24:9

Kueloran tu tau iato mai napakario-rio sia nasanggang mintu’ kadatuan lan lino sia la dadi kaditattan sia dipoparumbasan sia kaditellean sia tampakan ropu dio lu mintu’ inan, tu la Kunii umpatisambo’i tu tau iato mai.

YEREMIA 32:23

Apa iatonna tamamo tu tau iato mai sia untarimai la napomana’, tae’ naperangii tu gamaramMi sia tae’ naturu’i tu Sukaran alukMi; moi misa’ tu mintu’ pepasanMi lako kalena tae’ napogau’i; iamoto Miparampoi kamandasan tu tau iato mai.

YEREMIA 34:17

Iamoto nakua kadanNa PUANG: Belanna tae’ miperangiiNa’ la pada umpetamban katomakakan lako siulu’na sia lako solana, kadanNa PUANG, iamoto la Kupetamban tu katomakakan lako kalemi, la napotaa pa’dang sia ra’ba biang sia karorian sia la Kupadadikomi misa’ apa metakuran lako mintu’ kadatuan lan lino.

YEREMIA 4:31

Belanna kurangi tu misa’ sarro, susi sarrona baine mangurria’ sia sarro sume’den-me’den susi sarrona baine kianak pa’bunga’, iamotu sarrona anak dara Sion; seka-seka tongan sia umpopempala’ limanna, nakua: Upu’alloku, belanna la ka’tumo tu sunga’ku napobua’ to papatean.

YEREMIA 6:28

Pabali-bali tongan tu mintu’ tau iato, tu tontong bang ma’palele beko; susi bangmo tambaga sia bassi, sangbulitukan nasangmo.

BATING 1:11

Mintu’ pa’tondokanna sisumarroan undaka’ roti; iatu mintu’ apa keangga’na napasituka’ kande, la natoean sunga’na. – Tiromi, o PUANG, sia pemarangai, umba nakua tu kaditunaiangku!

BATING 1:17

Umballa’mo limanna tu Sion, apa moi misa’ tau tae’ umpakatanai; Natambaimi PUANG la unnea Yakub tu mai sanglembangna Yakub butung to pabali-bali. Iatu Yerusalem dadimo butung misa’ to maruttak lan lu tangngana tau iato mai.

BATING 2:10

Mintu’ to matua-tuanna anak dara Sion ma’pakappa unno’ko’ diong padang; sia nabubu’i barra’-barra’ tu ulunna, sia ma’pote dibolong. Natukku rokko padang tu mintu’ anak dara Yerusalem.

BATING 4:21

Parannu bangmoko sia sende paimanko, e anak dara Edom, tu torro dio lili’na Us – la ditadoan dukamoko tu irusan, naurunganni malango sia ma’kambelang.

YEHEZKIEL 23:29

La napakitaiko kamagallianna sia la narampa tu mintu’ apa-apammu sia la natampeko ma’kambelang sia tang ma’tamangkale, la dikambelangi tu kasirisammu, tu ma’gau’ sala bang, iamotu gau’ salamu sia passulobongimmu.

YEHEZKIEL 23:46

Belanna inde sia tu kadanNa Puangta PUANG Nakua: Pake’deranni misa’ kasirampunanna to buda ullaoi sia sorongi tama kadipakario-rioan sia kadirampan.

YEHEZKIEL 39:23

Anna issanni mintu’ bangsa, kumua iatu to Israel dipali’mo natumang kakadakeanna; belanna tang maruru’ lako kaleKu, iamoto Kubunianni lindoKu sia Kusorong tama limanna to unneai, naurunganni tibambang nasang nakande pa’dang.

HOSEA 2:10

Sia la Kupa’dei tu mintu’ kasendeanna, mintu’ pa’gauranna, bulan ba’runna sia allo katorroanna, ondongpi tu mintu’ allo kapuana.

HOSEA 2:3

Sia tae’ angKu kamasei tu mai anakna, belanna bati’ dadi lan penggauran sala.

KADA OMBO’ LAKO RASULU’ YOHANES 3:18

iamoto Kupakilalako ammu allii lako Kaleku tu bulaan mangka disudi api, ammu sugi’; sia pakean mabusa, ammu ma’tamangkale, da nasombo tu kamasirisammu ma’kambelang, sia palakoi pedampi minna’ tu matammu, ammu pakita.

1 SAMUEL 2:30

Iamoto Nama’kada tu PUANG, Kapenombanna to Israel. Nakua: Iatu kadangKu dolona masero, kumua iatu bati’mu sia bati’na ambe’mu la lolang dio oloKu sae lakona, apa totemo Nakua kadanNa PUANG: Mambelamo tu iannato dio mai Kaleku, belanna minda-minda umpakala’bi’Na’, la Kupakala’bi’ duka, apa minda-minda tu ussayuNa’, la dipamatuna.