BATING 1:6 - Sura' Madatu

⁶ Iatu mintu’ kamala’biran, sisayurammo anak dara Sion; iatu mai arungna sangtinti to donga tang unnappa’ padang kariuan, tau iato mai langga’ lumingka, dio tingayona to unnula’i.

BATING 1:6 ပူးပေါင်းရင်းမြစ်များ

2 DATU 19:21

Inde sia tu kada Napokada PUANG diona datu iato, Nakua: Iatu simbolong manik, iamo anak dara Sion, untapa’ko sia untelle-telleko; iatu anak dara Yerusalem unniling-iling dio boko’mu.

2 DATU 25:4

ditossomi tu tambakuku kota, anna mallai tu mintu’ surodadu tonna bongi unnola babangan naparitangnga da’dua benteng tembo’ sirondong pa’lakna datu – na iatu to Kasdim umpatama limbu kota iato –, apa moi susito unnola bang lalan lu lako Araba-Yordan.

2 DATU 25:5

Apa iatu datu naula’ surodadu to Kasdim, anna lambi’i dio padang marantena Yerikho, naurungan dipasisarak-sarak tu mintu’ surodadunna tu nasolan.

PA’PUDIAN 50:2

Iatu Puang Matua pangkillang dio Sion, sundun kamaballoanna.

PA’PUDIAN 96:9

Tukkukomi menomba lako PUANG umpokassa’ pakean maindan, la ma’parondokomi dio oloNa, e mintu’ issinna lino!

YESAYA 1:21

A’a, umba nakua tu tondok maruru’ namembalimo passulo bongi? Iato pirangbongi’ ponno ia katonganan sia natonangi kamaloloan, anna totemo to papatean mannamo lan.

YESAYA 12:6

Unnarrakkomi sia sumapukokomi, e pa’tondokan Sion, belanna iatu To maserona to Israel pasareongan illan tangngami.

YESAYA 4:5

Attu iato la Napadadi PUANG tu saliu’ ke allona sia iake mabonginna la Napabu’tu tu rambu sola arrang api ma’laka-laka dao lu mintu’ tu apa mala’bi’ la den tu sambona.

YEREMIA 13:18

Pokadanni datu sia datu baine indo’na datu, kumua: Unno’ko’komi diong inan madionganna, belanna iatu makota mala’bi’mi tobangmo dao mai ulummi.

YEREMIA 29:4

Inde sia tu kadanNa PUANGna mintu’na ma’dandan maritik, Kapenombanna to Israel, lako tu mintu’ to dipali’ dio mai Yerusalem lako Babel, nakua:

YEREMIA 47:3

napobua’ pentengkana darangna sia mongngo’na mintu’ karetana sia garutukna mintu’ rodana. Iatu mintu’ ambe’ tang messailemo lako anakna, belanna katangtikambeanna limanna,

YEREMIA 48:41

Mintu’ kota ditalo sia mintu’ tambakuku diala; allo iato iatu penaanna mintu’ to lalong lan Moab susi penaanna misa’ baine mangurria’.

YEREMIA 52:11

Sia napopebutai patomali tu matanna Zedekia, anna pungoi da’dua rante tambaga; anna solanni datu Babel lako Babel sia napatama pa’tarungkuan sae lako matena.

YEREMIA 52:13

Nasumpunmi tu banuanNa PUANG sia tongkonan layukna datu, sia iatu mai banua dio Yerusalem, iamotu mintu’ banuanna to kapua, pura nasumpun.

YEHEZKIEL 24:21

Pokadanni to Israel: Inde sia tu kadanNa Puangta PUANG, Nakua: Manassa la Kuruttakki tu inan maindanKu, tu oto’ kamatotorammi, tu mipotete massattuan, tu apa naporai matammi sia nakamali’ penaammi; na iatu mintu’ anakmi muane sia anakmi baine tu mitampena la tibambang nakande pa’dang.

YEHEZKIEL 24:25

Na iko, e ma’rupa tau, manassa allo iato la Kunii unnalai tu oto’ kamatotoranna tau iato mai, tu kamala’biran naposende, tu apa naporai matanna sia nakamali’ penaanna, iamotu mintu anakna muane sia anakna baine,

PA’TOLE 28:25

PUANG la ussorongko lako ualimmu, ammu talo. Sangbambari tu lalan la munii sae unneai, apa pitu tu lalan la munii mallai dio mai tingayona, muurungan dadi misa’ katirambanan lako mintu’ kadatuan lan lino.

PA’TOLE 32:30

Umba nakua tu misa’ tau ma’din unnula’ uali sangsa’bu sia da’dua tau umpapallai tau sangpulo sa’bu, iake tae’i Nabalukanni Buntu batunna sia tae’ Napopa’elo’nai PUANG tu tau iato?