BATING 1:22 - Sura' Madatu

²² kumua anna sae dio oloMi tu mintu’ kakadakeanna tau iato mai! Pogau’i lako tau iato mai, susitu mangka Mipogau’ lako kaleku natumang mintu’ salaku, belanna lendu’ ia budanna sarroku, sia masaki ara’na’.

BATING 1:22 ပူးပေါင်းရင်းမြစ်များ

PA’PUDIAN 143:7

O PUANG, madomi’Komi umbalina’, belanna sau’mo tu penaangku, da Mibunianna’ lindoMi, da angku ten to kabu’ rokko pa’tambunan.

PA’PUDIAN 79:10

Apara bannangna anna la ma’kadara tu to kapere’ kumua: Umbamira tu Kapenombanna? Melo ke naissanni to kapere’ dio tingayoki, tu diona kaMipembalianganna tu mai rarana taumMi tu mangka dipato’do.

YESAYA 13:7

Iamoto anna la langga’ tu mintu’ lima sia la bonnong tu penaanna mintu’ tolino.

YEREMIA 10:25

Barrakanni tu kare’dekamMi lako mintu’ bangsa, tu tae’ natandaiKomi, sia lako mintu’ pa’rapuan tu tang metamba ussa’bu’ sangamMi; belanna naampello’mo tau iato mai tu Yakub, ondongpi naampello’ sia nasappii sia napopempadang lo’bang tu tondok natorroi.

YEREMIA 18:23

Apa Kamu, o PUANG, unnissanni tu tangnga’na tau iato mai la umpateina’, da Miseroi tu kakadakeanna sia da Mipa’dei tu kasalanna dio mai oloMi, sangadinna la tibambang dio oloMi. Ukungi tu tau iato mai, ke nalambi’mi tu attu kasengkeamMi.

YEREMIA 30:16

Iamoto, mintu’ tu to unnampello’ko, la diampello’ sia mintu’ ualimmu la dirampa, iatu mintu’ to unnala toro apammu la diala toro duka apanna, sia mintu’ to umpangrampaiko la Kupopa’elo’na dipangrampai.

YEREMIA 51:35

Belanna kanapa’dikkiangku sia kanata’takangku, iamoto anna dipabala’i tu Babel, la nakua to tu tau lan Sion, sia belanna kadibolloanna raraku, anna dipabala’i tu mintu’ pa’tondokan Kasdim, la nakua to tu to Yerusalem.

YEREMIA 8:18

Tang kutanan tongan mapa’dikna tu penaangku, lendu’ masussanna penaangku!

BATING 1:13

Napasaemi tu api dao mai madaona; Napasonglo’mo sae tama bukungku; Natananni porro’ tu lentekku sia Naturrunna’ lako boko’; Napatorro to pussakmo’, mandasa situ’turan allo.

BATING 5:17

Iamote tu bannangna anna mapa’di’ tu penaangki, iamote tu bannangna anna tang maseromo kitiro:

LUKAS 23:31

Belanna iake susii penggauranna lako kayu mamata to, la ma’patumbaoi dadinna tu kayu marangke?

EFESUS 3:13

Iamoto kupalakui lako kalemi, da naporanggangi penaammi tu kamaparrisangku diona kamu, belanna iamo mipomala’bi’.

KADA OMBO’ LAKO RASULU’ YOHANES 6:10

Metambami umpekapuai gamaranna nakua: Sangapapi, o Puang maindan sia tongan, Mimane unnukungi sia umpembalaran raraki lako mintu’ to untongkonni kuli’na padang?