BATING 1:19 - Sura' Madatu

¹⁹ Metambana’ lako mintu’ muane ungkamali’na’, apa napopa’elo’nana’ sia napakenana’. Mintu’ to minaangku sia pekaamberangku ka’tumo sunga’na lan kota, tonna undakaran kande kalena, la natoean sunga’na.

BATING 1:19 ပူးပေါင်းရင်းမြစ်များ

YEREMIA 2:28

Umba nasangmira nanii attu iato tu mintu’ rapang-rapang mupodeata tu mangka mugaraga? Melo ke bendanni tu tau iato mai, nakulle sia manii urrampanangko, ke allo kamaparrisammu; belanna pada bilanganna mintu’ tondokmu, pada dukato, tu mintu’ deatammu, e to Yehuda.

YEREMIA 30:14

Tang nakilalaimoko mintu’ muane pa’kaboro’mu, tae’mo napekutanan lenko. Kupakario-rioko susi uali ma’pakario-rio, susito tang mamase ma’pa’dikki, belanna kakapuanna kakadakeammu sia lendu’ budanna kasalammu.

YEREMIA 4:30

Iamoto apa la mupogau’, e iko tu sanggangmo, moi ammu ma’pakean lango-lango, moi ammu beloi ma’rupa-rupa bulaan tu kalemu, moi ammu ba’da’i malotongi tu matammu? Tae’ gai’na mubeloi tu kalemu susito, mintu’ pa’pangngan buni ussayuko sia morai ungka’tu sunga’mu.

BATING 1:1

A’a, lendu’ ia makarorrongna, te kota marua’ pirangbongi’; sangtintimo misa’ baine balu, tu kuasa dio lu mintu’ bangsa; datu baine dio lu mintu’ lembang, anna mengkanorong dipopa’diama.

BATING 1:11

Mintu’ pa’tondokanna sisumarroan undaka’ roti; iatu mintu’ apa keangga’na napasituka’ kande, la natoean sunga’na. – Tiromi, o PUANG, sia pemarangai, umba nakua tu kaditunaiangku!

BATING 1:2

Unnade-ade tumangi’ situ’turan bongi, sia umpendau’ uai matanna, moi misa’ tau tae’ bang umpakatanai, dio lu tu mintu’ muane ungkamali’i; iatu mintu’ sangmanena tang maruru’mo lako kalena, anna mendadi ualinna.

BATING 2:20

O PUANG, tiroi sia pemarangai! Mindara tu Mipasusito? Sipaturaka tu baine ungkande anakna, iamotu pia naria? Sipaturaka lan inan maindanNa Puang dipatei tu to minaa sia nabi?

BATING 4:17

Tontong bang tu matanta ma’penunu sia ma’peagi – apa tae’ gai’na; dao menara pa’kampanta tanii umpemantangi tu misa’ bangsa tang nakulle merampanan.

BATING 5:12

Natoke’ tu mintu’ arung dao kayu, sia tae’ nakasiri’i tu lindona to matua.