BATING 1:15 - Sura' Madatu

¹⁵ Napembuangammo Puang tu mintu’ to mawatangku lan tangngaku; umpogau’mo misa’ pa’maruasan untambai tau la unneana’ sia la ussanggangi mintu’ pia muane malolle’ku; Nalullu’mo Puang lan pa’parran anggoro’ tu mai anak dara, iamotu baine anakna Yehuda.

BATING 1:15 ပူးပေါင်းရင်းမြစ်များ

2 DATU 9:33

Nakuami tu Yehu: Pembuanganni rokko mai. Napembuanganni rokko, naurunganni tibura’ tu rarana lako rinding tembo’ sia lako to’ darang, sia napalungganakki Yehu.

PA’PUDIAN 119:118

Mitibe tu mintu’ to sepang dio mai apa Mipondok, belanna tang kebattuan tu mintu’ pakira-kiranna.

YESAYA 28:18

Na iate bassemi sola kamatean la diputtai sia iatu lampa kadammi sola lino tomate tae’ anna la manda’; ia anna olaikomi peada’ masarrang, la nalullu’mokomi.

YESAYA 41:2

Mindara umpabu’tui dio mai matallo tu to sitammu kapataloan lan mintu’ kalingkanna? Mindara ussorongi lako kalena tu mai bangsa sia umbenni kuasa umpatundukki tu mai datu, pa’dangna umpopembarra’-barra’i tu tau iato mai, sia panana umpopennongkanni nasarombonan angin?

YESAYA 5:5

Iamoto la Kupokadangkomi totemo tu apa la Kugauranni tu pa’lak anggoro’Ku kumua: La Kulalakki tu rompo durinna, anna taloi olo’-olo’ sia la Kukakei tu tembo’na anna disilessakki.

YESAYA 63:3

Aku manna misa-misa tu ma’parra anggoro’, iatu mai mintu’ bangsa tae’ bangi misa’ Kusisolan, sia belanna kasengkeangKu angKu lullu’i tu tau iato mai sia kare’dekangKu angKu ponanakanni; iatu mai rarana umbura’ pakeangKu sia mintu’ tamangkaleKu natombang.

YEREMIA 13:24

Manassa la Kupatisambo’ tu tau iato mai susi ta’pian, tu napettiaran angin dio mai padang pangallaran.

YEREMIA 14:17

Iamoto pokadai te lako tau iato mai, kumua: Tae’ torena sitanutuan tu uai matangku ke bongi sia keallo, belanna anak dara, lai’na bangsaku bangkemo, iamotu bangke kapua, belanna nakandalan pa’dang.

YEREMIA 18:21

Iamoto popa’elo’nai tu anakna tau iato mai karorian, sorongi tu tau iato mai lako kandean pa’dang, naurunganni sisayuran anak sia balu tu mintu’ bainena, sia mangsan tu mai muanena napobua’ kamatean, sia mate tu mai to manguranna nakande pa’dang lan kasirarian.

YEREMIA 37:10

Belanna iake moronganna mipatei nasangi tu mintu’ surodadu to Kasdim, tu misirarian, naurungan torromira ba’tu pira-pira tau, tu mandalan bangkena, manassa ia duka tu tau iato la pada bangun lan tendana anna pura ussumpunni te kota iate.

YEREMIA 50:26

Sangke’derammokomi, naurunganni tae’mo misa’ tau torro, la male nasang ullaoi, bungka’i tu mintu’ alangna, popa’toppo’-toppo’i susi pongo’ gandung, sia sabu’i; damo naden torrona.

YEREMIA 51:34

Napepuraimo’ nakande Nebukadnezar, datu Babel, sia nasanggangna’ napatorrona’ susi kandean lo’bang; naampello’na’ susito a’ganna ula’ naga; napa’pediaran saponnona tambukna tu mai kande mammi’ku namane untumpuna’.

YEREMIA 6:11

Nakabu’na’ kare’dekanNa PUANG sia mengkata’ka’na’ untemme’ ara’ku. Barrakanni lako pia dio lu batatta sia lako kasirampunanna pia muane lolle’! Belanna pada-pada la ditingkan muane sola baine, sia to ubanan sola to matua.

BATING 2:21

Dio lu mintu’ batatta situlambenan diong lu padang tu pia muane sia to matua; mintu’ tu pia baine lolle’ku sia pia muane lolle’ku tibambangmo nakande bassi mataran. Iatonna allo kasengkeamMi Mipatei tu tau iato mai, sia tang Mikatirinnaimo Mirere’.

BATING 3:34

Iake nalullu’-lullu’i tau tu mintu’ to ditarungku dao kuli’na padang.

DANIEL 3:13

Sengkemi tu Nebukadnezar sia re’dek tongan ara’na, namesua unnalai tu Sadrakh, Mesakh sia Abednego. Nabaammi tau tu tau sola tallu umpennoloi datu.

YOËL 3:13

Popa’ka’ta’mi tu pesae’, belanna matasakmo tu bura padang. Maikomi ammi manglullu’, belanna ponnomo tu pa’parran; iatu inan uai anggoro’ lempanmo. Belanna kapuamo tu kakadakeanna tau iato mai.

MIKHA 7:10

Iatu iannato la natiro ualingku baine, anna samboi siri’ tu lindona, tu to ma’kada lako kaleku, nakua: Umbamira tu PUANG, Kapenombammu? La natiro matangku. Totemo la dilullu’ susi so’mak dio lu lalan.

MALEAKHI 4:3

La milullu’ tu mintu’ to kelok, belanna la membarra’-barra’ diong pala’ lette’mi lan to allo la Kupasakka’, kadanNa PUANGna mintu’ ma’dandan maritik.

LUKAS 21:24

sia kasengkean lako te tau sia la mate nakande pa’dang mataran sia dirampa nadibaa lako mintu’ rapunna tau sia iatu Yerusalem la nasilullu’i to kapere’ sae lako kasundunanna allona tu to kapere’.

PA’TOLE 28:33

Iatu bura padangmu sia bura rangka’mu la nakande misa’ bangsa tang mutandai; tontong bangko dipakario-rio sia dilullu’.

IBRANI 10:29

Tangnga’mi, tumba polepi magasanna tu ukungan sipatu dipakannanni tu to ullullu’ Anakna Puang Matua, sia to ussangai maruttak tu rara basse tu dinii usseroi sia iatu to untelle-telle Penaa oto’na pa’kamasean.

KADA OMBO’ LAKO RASULU’ YOHANES 19:15

Sia lan mai pudukNa sun misa’ pa’dang mataran la Naba’tan mintu’ to kapere’. Ia duka la umparentai tekken bassi sia iamo ullullu’ bua anggoro’ lan panglulluran, iamo kamaparranganna kasengkeanNa Puang Matua Umpoissan angge maritik.

TO PARENGNGE’ 10:8

Lan duka tu taun iato dinii umpandasai sia umpakario-rioi tu to Israel sia lan sangpulo karua taunna dinii umpandasai tu mintu’ to Israel sambalinna lu Yordan, lan tondok to Amori lan lili’na Gilead.