BATING 1:14 - Sura' Madatu

¹⁴ Iatu ayoka kakadakeangku magasa, tu Napasikande-kande limanNa Puang: Iatu apa iato unti’tin sokkongku, tu umpamoro’ kamatotorangku; Nasorongmo’ Puang tama lisu pala’na, to tang kusau’ unneai.

BATING 1:14 ပူးပေါင်းရင်းမြစ်များ

SARAMBU PEADA’ 5:22

Iatu to tang mekaaluk la napungo kalena kakadakeanna, sia la napurru’ poya kasalanna.

YESAYA 14:25

Akumo tu ussanggang Asyur lan padangKu sia Kulullu’ dao buntungKu, naurunganni tilendok tu ayokana dio mai tau iato sia tilendok tu pamaanna dao mai palempengna.

YESAYA 47:6

Re’dek tu ara’Ku lako taungKu sia Kuruttakki tu to Kupomana’, angKu sorongi tama limammu, apa tae’ ammu katirinnai tu tau iato mai; moi na iatu mai to matua mupabokkokki duka pamaan magasa.

YEREMIA 25:9

iamoto la Kusua tu mintu’ bangsa daa mai ulunna salu, kadanNa PUANG, sia ia duka tu Nebukadnezar, datu Babel, taungKu, sia la Kupasae tu tau iato mai ussanggangi te padang iate sia mintu’ pa’tondokanna, sia mintu’ bangsa tiku lao, sia la Kusabu’i butung pepayu sia la Kupopendadi apa napotiramban tau sia apa nabellu’i tau sia nabelle’i sae lakona.

YEREMIA 27:12

Sia lako Zedekia, datu Yehuda mangka dukamo Kupokadan susi bangsia tu kada iato, kumua: Tukku bangkomi napaayokai datu Babel sia tontongkomi umpengkanorongi ammi makarimman.

YEREMIA 27:8

Na iatu bangsa ba’tu kadatuan tu manoka umpengkanorongi, iamo Nebukadnezar, datu Babel, sia tu manoka napaayokai datu Babel, tu bangsa iato la Kuparampoi kandean pa’dang sia karorian sia ropu, kadanNa PUANG, Kuurungan ussorong pissanni tama kuasanna.

YEREMIA 28:13

Maleko sia pokadanni Hananya kumua: Inde sia tu kadanNa PUANG Nakua: Iatu ayoka kayu musanggang, apa la mugaragan kalemu ayoka bassi sondana.

YEREMIA 28:14

Belanna inde sia tu kadanNa PUANGna mintu’ ma’dandan maritik, Kapenombanna to Israel, Nakua: Kupapassanni ayoka bassi tu sokkongna mintu’ bangsa iate, la umpengkanorongi Nebukadnezar, datu Babel, na bangsa iato mai mengkanorong lako kalena; moi anna iatu mintu’ olo’-olo’ dio lu padang Kukamasean dukai.

YEREMIA 32:3

Indeto dio nanii Zedekia, datu Yehuda umpattangi, nakua: Ma’apai ammi ma’nubua’ kumua: Nakua kadanNa PUANG: Tonganna la Kusorong te kota iate tama limanna datu Babel, tu la untaloi.

YEREMIA 32:5

Nabaami lako Babel tu Zedekia, anna torro dio sae lako Kuto’longinna, kadanNa PUANG, belanna moi sirarikomi tu to Kasdim, tae’ duka mila patalo.

YEREMIA 37:17

Nasuami datu Zedekia tu tau lao unnalai, anna kutanai bunii datu lan tongkonan layukna, nakua: Denraka kada dio mai PUANG? Mebalimi tu Yeremia nakua: Den; sia nakuapa: La disorongkomi tama limanna datu Babel.

YEHEZKIEL 11:9

La Kualaikomi lan mai tangngana, angKu sorongkomi tama kuasanna to salian lembang sia la Kuparampoikomi ukungan.

YEHEZKIEL 21:31

La Kubarrakan tu kare’dekan ara’Ku lako kalemu: sia la Kupamurru’ko api kasengkeangKu sia la Kusorongko tama limanna tu to tang untandai battuan, tu to untampa bang pepayu.

YEHEZKIEL 23:28

Belanna inde sia tu kadanNa Puangta PUANG, Nakua: Tonganna la Kusorongko tama kuasanna to mukabiri’, tama kuasanna to mukagi’gi.

YEHEZKIEL 25:4

iamoto la Kusorongko lako suku dio mai rampe matallo la napotau; dio lili’mu la nanii umpabendanni tu mai tenda ditambakuku sia la nanii unnosokki tu inan nanii torro; anna kandei tu mai bua kayummu sia nairu’ tu mai bumbunganmu.

YEHEZKIEL 25:7

iamoto manassa la Kue’te’ tu limangKu umpata’paiko, sia la Kusorongko tama limanna tu mai bangsa, anna rampako, sia la Kusabu’iko dio lu to sangpetayanan sia la Kuputtaiko dio lu mintu’ tondok, sia la Kumangsanniko. Ammu tandai, kumua: Akumo tu PUANG.

HOSEA 5:14

Belanna susiNa’ misa’ singa lako Efraim sia susi misa’ singa mangura lako bati’na Yehuda. Aku, Akumo la usserek-serekki, Kumane male; la Kusintak, natae’ misa’ tau la urrampananni.

MIKHA 2:3

Iamoto, inde sia tu kadanNa PUANG, Nakua: Tonganna la Kupasae tu kasanggangan lako bangsa iate, tu tae’ minii umbelai urriu’ barokomi lan mai, ba’tu malolo lumingka lan, belanna iamo misa’ attu kadake.

PA’TOLE 28:48

iamoto la napotauko mintu’ ualimmu, tu Napake’de’ PUANG ullaoiko, ammu tangdia’ sia ma’rang sia ma’kambelang sia kapu’duran mintu’ apa; Puang la umpapassanni ayoka bassi dao sokkongmu, anNa pisanniko.