BATING 1:10 - Sura' Madatu

¹⁰ Iatu mai uali umpopengkorongmo limanna lako mintu’ apa keangga’na; ondongpi natiro bang tau iato mai, kumua iatu bangsa iato tama inan maindanna, tu a’ganna mangka Mipa’pepasanan, kumua: iatu tau iato mai tae’ nama’din urreke’komi tama kombongan.

BATING 1:10 ပူးပေါင်းရင်းမြစ်များ

2 OSSORANNA DATU 36:18

Iatu mintu’ pareanan banuanNa Puang Matua la kapua la baitti’, sia mintu’ ianan banuanNa PUANG sia mintu’, iananna datu sia mintu’ arungna, nabaa nasang lako Babel.

NEHEMIA 13:1

Attu iato dibasa tu sura’na Musa, anna rangii bangsa iato, anna diappa’ disura’ lan, kumua tae’ len nama’din tu to Amon ba’tu to Moab tama kombonganNa Puang Matua,

YESAYA 63:18

Sattu’ri napoapai to maseroMi tu tondokMi; sia iatu inan maindanMi nasilullu’i ualingki.

YEREMIA 15:13

Mintu’ barang apammu sia mintu’ iananmu la Kupa’bengan butung pangrampa, tu tang dialli, napobua’ mintu’ kasalammu lan mintu’ lili’na tondokmu.

YEREMIA 20:5

Mintu’ mana’na kota iate sia mintu’ daka’na sia mintu’ iananna sia mintu’ pareanan ballona datu Yehuda la Kusorong tama limanna ualinna, tu la urrampai sia unnalai sia umbaai lako Babel.

YEREMIA 27:19

Belanna nakua kadanNa PUANGna mintu’ ma’dandan maritik tu diona lentong, tasik, tangdan pembasean sia iatu pareanan torrona, tu torropa lan kota iate,

YEREMIA 27:21

belanna nakua kadanNa PUANGna mintu’ ma’dandan maritik, Kapenombanna to Israel, tu diona mintu’ pareanan tu torropa lan banuanNa PUANG sia lan banuanna datu Yehuda sia dio Yerusalem, kumua:

YEREMIA 50:28

Den kadanna dirangi tu to mallai tilendok dio mai tondok Babel la umpa’peissananni dio Sion tu pa’pakkanNa PUANG, Kapenombanta, iamotu pa’pakkanNa diona banua kabusunganNa.

YEREMIA 51:51

Masiri’mokan, belanna kirangimo tu pelo’bona tau; nakabu’mokan siri’ belanna iatu to sae tamamo inan maindanna banuanNa PUANG.

YEREMIA 52:13

Nasumpunmi tu banuanNa PUANG sia tongkonan layukna datu, sia iatu mai banua dio Yerusalem, iamotu mintu’ banuanna to kapua, pura nasumpun.

BATING 1:7

Lan allo kamaparrisanna sia kalumioranna, iatu Yerusalem tontong ungkilalai, tu mintu’ apa keangga’, tu mangka naampui lan allo lendu’mo; iatonna tobangmo tu bangsana tama limanna ualinna, sia tae’mo to patunduanna, natiromi ualinna, sia napetaai, belanna kasangganganna.

YEHEZKIEL 44:7

Belanna mibaa tama tu to sae, iamotu to tang disunna’i tu penaanna sia tang disunna’i tu kalena, la dioren lan inan maindanKu, la urruttakki banuangKu, tommi pennoloanni tu kande taaKu, iamotu lompo sia rara, naurunganni umpokai tu basseKu; tu mipogau’ ondong na iatu apa megalliammi.

YEHEZKIEL 7:22

Sia tae’ angKu ussailei tu tau iato mai sia la napamatuna tau tu parimata maballoKu: iatu to masa’ga la naparuku bang tama anna pamatunai.

YEHEZKIEL 9:7

Ma’kadami lako tau iato mai Nakua: Ruttakki tu Banua Kabusungan sia ponnoi batang rabukna tu mai tarampak. Malemokomi, ammi papatean lan lu kota.

MARKUS 13:14

Iammi kitai tu kamaparrangan megi’giran tu umpabu’tu kasanggangan, bendan dio inan tang sipatu – minda-minda tu umbasai natangnga’ mandalanni – ianna attu iato la mallai langan tanete tu to dio tana Yudea.

PA’TOLE 23:3

Iatu to Amon ba’tu to Moab tae’ nama’din tama kombonganNa PUANG; moi sae lako osso’ ma’pessangpulo tae’ nama’din len tama kombonganNa PUANG,

PA’TOLE 23:4

belanna iatommi tassu’ lan mai Mesir, tae’ natammuangkomi roti sia uai dio lalan sia belanna nasaroi tu Bileam, anakna Beor, dio mai Petor lan Aram-Mesopotamia umbaliko sia untampakkiko ropu.