AYUB 9:9 - Sura' Madatu

⁹ Ia ungkombong bintoen Ursa sia bintoen Orion, tu bintoen Bunga’ sia bintoen Ma’karapu-rapu rampe Lo’na lu.

AYUB 9:9 ပူးပေါင်းရင်းမြစ်များ

KADADIAN 1:16

Napadenni Puang Matua da’dua apa parrang kapua, iatu apa parrang tu kapuana la umparenta masiang, na iatu apa parrang tu bitti’na la umparenta bongi, sia mintu’ duka bintoen.

AYUB 37:9

Iatu angin bara’ tassu’ lan mai pangrampunanna, sia kamadinginan lan mai pa’palumpunanna.

PA’PUDIAN 104:13

Ia ussakka’i tu mintu’ buntu dao mai inan ma’duang papa’na, anna pedia’i bua pengkarangamMi te lino.

PA’PUDIAN 104:3

Iamo umparandanganni lan to’ uai tu inan ma’duang papa’na, Ia umpokareta salebu’, Iamo sumalong-malong dao pani’ angin.

PA’PUDIAN 147:4

Ia ussuka’i tu bilanganna bintoen, sia pantan Nasa’bu’ tu sanganna.

AMOS 5:8

Puangmo, tu ungkombong Bunga’ sia Orion. Puangmo tu umpopembali malillin dadi arrang melambi’, sia umpamalillin masiang dadi bongi; Puangmo, tu unnongli’ uai tasik, anNa patibarrakki dao kuli’na padang – PUANG iamo to tu sanganNa.

PENGGAURANNA RASULU’ 28:13

Naindeto dio kimale massombaran ullilingi lebukan iato kirampo lako Regium. Iatonna masiangnato mangiri’mi angin ma’palulo’mai anna masiangna pole’ to kirampo lako Putioli.