AYUB 9:4 - Sura' Madatu

⁴ Mindara tu ma’din umbalii Puang, moi anna matumba tu kamatarrusanna sia matumba tu kakapuanna kamatotoranna, anna torro marampa’?

AYUB 9:4 ပူးပေါင်းရင်းမြစ်များ

2 OSSORANNA DATU 13:12

Manassa iatu Puang Matua undoloangkan, sia iatu mai to minaanNa umbaa tarompe’ kapua oninna, la dipannoni umpatirambankomi. Da’ ammi sirarianni tu PUANG, Kapenombanna nene’ to dolomi, e bati’na Israel, belanna tae’ ammi la maupa’.

2 OSSORANNA DATU 20:6

sia ma’kada nakua: O PUANG, Kapenombanna nene’ to doloki, tang Kamuraka Puang Matua lan suruga, sia tang Kamu dukaraka umparenta mintu’ kadatuanna mintu’ tu mai bangsa? Lan limamMi tu kapaan sia kamatotoran, naurunganni moi misa’ tau tae’ ungkullei tumanan unneaKomi.

AYUB 11:6

sia umpaissanniko rasia kakinaan, belanna umpopanglokkon penduan kapaissanan. Mumane mangaku kumua iatu Puang Matua tae’mo Nakilalai tu sangtaan kakelokammu, tu la mupomatananna.

AYUB 12:13

Dio Puang nanii tu kakinaan sia kamawatangan, Puang unnampui pa’tangngaran sia patiro melo.

AYUB 15:13

ammu barani umbali-bali Puang Matua sia umpatassu’ kada susito dio randan pudukmu?

AYUB 23:6

La Naeara’ka Puang tete dio kakuasan kapuaNa? Tae’, apa Ia la umpalan penaanna’.

AYUB 24:22

sia moi to matoto’ nariu’ sembang tete dio kamawatanganna; bendan tu tau iato, apa tae’ nakanassai tu katuoanna.

AYUB 25:2

Kama’parentan sia pa’patiramban dio Puang, tu mesua umpaden kamarampasan dao masuanggana.

AYUB 28:23

Iatu lalan lako kalena Natandai Puang Matua, Naissan Puang tu inanna.

AYUB 36:5

Manassa pasareongan tu Puang Matua, apa moi misa’ apa tae’ tang Naangga’, kapua tongan tu kamandalananna tangnga’ kakinaanNa.

AYUB 37:23

Iatu Puang umpoissan angge maritik tu tae’ tatandai, kapua kamatotoranNa sia kamalamburanNa; tu liu kamaloloanNa, tang umpakelok malolona.

AYUB 38:36

Mindara umpatorroi kakinaan tu salebu’ malillin, ba’tu mindaraka umbenni patiro penaa tu ma’rupa-rupa ma’lodokna salebu’?

AYUB 38:37

Mindara tu umbilang salebu’ situang kakinaan, sia umbalittua’ bussona langi’,

AYUB 40:9

Iake susito Aku duka la umpudiko, belanna iatu lima kananmu umpapataloko.

AYUB 41:2

Mindara ma’din umpessitamuiNa’, angKu eloranni tang matumba-tumba? Iatu mintu’na nasambo langi’, apangKu nasang.

AYUB 6:10

Ke susito, iamo kupomatana, ondongpi kupoparannu sia kupolo’dok-lo’dok, lan tu kamasussan, tae’ bang Napasoro’ Puang, belanna tae’ kupeonganni lenni tu kadanNa To masero.

AYUB 9:19

Tonganna diona kamatotoran bangri – matoto’ Ia, sia diona salunna, Nama’kada tu Puang Kumua: Mindara ma’din untambaiNa’ umpebalianni?

PA’PUDIAN 104:24

Tumba ia budanna tu mintu’ penggauramMi, o PUANG! Kamumo tu mangka ungkombong nasangi to tete dio kamatarrusamMi; anna ponnoi pa’padadimMi tu lino.

PA’PUDIAN 136:5

tu To umpadadi langi’ tete dio tangnga’ kinaa, belanna iatu kamasokananNa tang tileluk sae lakona.

KATASSURAN 15:7

Tete dio kamala’biran kapuaMi, amMi sanggangi tu mintu’ to pabali-bali lako kalemi; Mipalalomo tu kasengkean maparrangMi, anna mampu’i tu tau iato mai butung ta’pian.

KATASSURAN 9:7

Nasuami Firaun tu tau lao inde to lako, anna moi misa’ tae’ ia mate tu mintu’ patuoanna to Israel, apa iatu penaanna Firaun tontong battuk, naurungan tang naeloran tu bangsa iato male.

SARAMBU PEADA’ 28:14

Maupa’ tu to tontong mataku’, apa minda-minda tu umpamakarra’ penaanna, la tobang rokko kamandasan.

SARAMBU PEADA’ 29:1

Minda-minda ditole-tole dipakilala, anna tontong bang matoro, ta’pa la disabu’i anna tang tundu-tunduannamo.

YESAYA 45:9

Upu’ allona tu to sisarangnga’ To tumampana, susi bangri to misa’ bibang dio lu to’ bibang. Ma’apari nala ma’kada tu pitti’ lako to ma’tampa, kumua: Apara mutampa? ba’tu nakua tu panggaragammu: Tae’ nakelima?

YEREMIA 50:24

Kutanannimoko poya sia diala dukamoko, e Babel, tonna tae’pa muissanni; ta’pa diapparangko sia ditingkan dukako, belanna unnapeko PUANG.

DANIEL 2:20

Umpakendekmi pa’pudi-pudian tu Daniel, nama’kada nakua: Mintu’ kadipudian lu lako sanganNa Puang Matua tempon dio mai landa’ lako attu situran, belanna Ia unnampui kakinaan sia kamatotoran.

NAHUM 1:3

Iatu PUANG kalando pesuka’, moi anna kapua kamatotoranNa, tae’ duka Ia na la tang mangukung. Lumingka naturu’ talimpuru’ sia angin bara’, sia salebu’ butung barra’-barra’ diong to’ lette’Na.

ROMA 11:33

Tang pada ia mandalanna tu kasugiran kakinaanNa Puang Matua sia kapaissananNa! Tumba ia tang dilambi’na disandak tu mintu’ pangra’ta’Na sia tumba tang dilambi’na dirundunan tu mintu’ lalanNa.

1 KORINTUS 10:22

Ba’tu la untimbariki’ka oloNa Puang? Kitaraka la matoto’ anna Puang?

EFESUS 1:19

sia tumba kalle-kalleanna kuasanNa lako kita ma’patonganna, situru’ pengkarangan kamatotoran kuasanNa,

EFESUS 1:8

tu Napelempanni lako kaleta situru’ kakinaan sia kamatarrusan.

EFESUS 3:10

kumua anna pa’peissananni kombongan totemo lako mintu’ to ma’parenta sia to paa dao suruga tu ma’rupa-rupa kakinaanNa Puang Matua,

EFESUS 3:20

Iatu Puang Matua tu kuasa umpogau’i tu mintu’na umpelempanni losong, na iatu tapalakunna ba’tu tasanganna, sitinaya lalan kuasanNa tu mengkarang lan kaleta,