AYUB 9:12 - Sura' Madatu

¹² Iake Nasintakki tu mai apa, mindara umpadapai? Mindara tu ma’kada lako Kalena nakua: Apara tu mipogau’?

AYUB 9:12 ပူးပေါင်းရင်းမြစ်များ

2 SAMUEL 16:10

Apa nakua datu: La siapariki’, e anakna Zeruya? Da’ito natampakkina’ ropu! Iake Nakuai PUANG lako: Tampakki ropu tu Daud, mindaopa la ma’kada kumua: Ma’apai mupogau’i to?

AYUB 1:21

Ma’kale-kalena’ tassu’ lan mai pa’tambukanna indo’ku, la ma’kale-kale dukana’ sule lako. PUANG mangka umpa’benganni, PUANG mangka unnalai sule sanganNa PUANG la dipudi.

AYUB 10:7

moi amMi tandai, kumua tae’ angku sala, sia moi misa’ tau tae’ nama’din ullendokanni lan mai limamMi?

AYUB 11:10

Iake matira’I sae, anna ma’tingkan sia ma’paolai salu lan kombongan, minda tu la umpadapa Puang?

AYUB 23:13

Apa tang leluk tu pa’inaanNa Puang-mindara ma’din umpadapai? Apa tu naala penaanNa, Napalalo duka.

AYUB 33:13

Ma’apai ammi sigaga Puang Matua, anna moi misa’ penggauranNa tae’ Nasondai.

AYUB 34:29

Iake ma’pakappai tu Puang, mindara la ma’pasala? Sia iake Nabunianni lindoNa tu misa’ tau, mindara la untiroi – la pada-pada tu misa’ bangsa ba’tu misa’ tau –

TOMANGADA’ 8:4

Belanna patalo tu kadanna datu sia mindara ma’din ma’kada lako kalena. Kumua: Matumbari tu penggaurammi?

YESAYA 43:13

Iake undinna Aku duka tu Puang Matua sia moi misa’ tau tae’ la urrampananni lan mai lisu pala’Ku. Iake Kupogau’i, mindara ma’din undampai?

YESAYA 45:9

Upu’ allona tu to sisarangnga’ To tumampana, susi bangri to misa’ bibang dio lu to’ bibang. Ma’apari nala ma’kada tu pitti’ lako to ma’tampa, kumua: Apara mutampa? ba’tu nakua tu panggaragammu: Tae’ nakelima?

YEREMIA 18:6

Tae’raka Kuma’din umpogau’i lako kalemi susite to ma’tampa kurin iate, e to Israel? KadanNa PUANG. Tonganna susi losso’ pitti’ lan limanna to tumampa kurin, susi dukamokomi to lan limangKu, e to Israel.

DANIEL 4:32

Sia la naali’ko tau dio mai sangbilangan tolino na iatu katorroammu la sisola olo’-olo’ dio lu padang; anna pakandeko tau riu ten to sapi; sia nalambi’ pempitu attu la munii susito sae lako muakunna, kumua Puang Patodoranna ungkuasai kadatuanna tolino sia Nakamasei tu minda-minda Naporai.

DANIEL 4:35

Iatu mintu’ to untongkonni kuli’na padang direken tae’ bang gai’na; Napogau’i lako tu mintu’na angge maritik dao langi’ sia mintu’nato untongkonni kuli’na padang unturu’ pa’poraianNa, sia moi misa’ tau tae’ untukka’i tu limanNa, ba’tu ma’kada lako Kalena kumua apara tu Mipogau’?

MATIUS 11:26

O Ambe’, belanna tenmoto tu pa’poraiamMi dio oloMi.

MATIUS 20:15

Tang sipatura’ka la ma’inaanna kalena umpamalei tu apangku? Ba’tu musuru mataraka, tu belanna aku te masokanna’?

ROMA 11:34

Apa mindara ia unnissanni tu lalan penaanNa Puang? ba’tu mindara tu to ma’pakilalanNa?

EFESUS 1:11

Lan dukamo Kalena tanii dipadadi mana’, dilampak unturu’ tanan penaanNa Puang Matua, tu umpakedo mintu’na, situru’ lalan pa’inaanNa.