Ma’kombongammi tu datu Rehabeam sola mintu’ to matua-tua, tu naala parea Salomo, ambe’na, tonna tuo siapa, sia ma’kada nakua: Umbara susitu timbangammi la kubalianni te to buda?
Perangiimi, e mintu’ pekaamberan, sia tananni talinga, e mintu’ pa’tondokan! Kela den lenni nadadi tu apa susite tonna attummi, ba’tu iatonna linona nene’ to dolomi.
Belanna mintu’na tu apa disura’ dolomo, disurasammoki’ la mendadi pangadaran lako kaleta, kumua anna manda’ rannunta diona kama’tanan penaa sia diona pa’pakatana lan mai Sura’ Madatu.
Mintu’nato, mangkamo urrampoi tu tau iato la dadi misa’ sangka’ sia mangka disura’ la mendadi pa’pakilala lako kaleta, tu kita to nalambi’ tiparanta’na lino.
Kilalai tu attu lendu’mo ingaranni tu taun pura disiosso’i; pekutananni lako ambe’mu, anna ia umpaissanniko, sia to matua-tuammu, anna ia umpokadangko.
Belanna pekutananni tu allo lendu’mo, tu attu dolo na iko, temponna Puang Matua umpadadi tolino dao kuli’na padang; sia mekutanako dio mai randan langi’ sae lako randan langi’, ba’tu la denni dadi misa’ apa susi kapuanna te ba’tu dirangi misa’ apa susite.