AYUB 8:3 - Sura' Madatu

³ Ma’dinraka tu Puang Matua umpakelok salunna, ba’tu ma’dinraka To umpoissan angge maritik umpakelok kamaloloan?

AYUB 8:3 ပူးပေါင်းရင်းမြစ်များ

KADADIAN 18:25

Toyang ia tondonna lalan dio mai Puang la umpogau’i tu susinnato, la umpasipatei to kadake tu to malambu’, butung Napasangtinti to kadake tu to malambu’; toyang ia tondonna lalan dio mai Puang to. Ma’apari Ia tu To Ma’paolai salunna te mintu’ lino anna tae’ra Nala umpasalunnai tu salunna?

2 OSSORANNA DATU 19:7

Iamoto la narampoikomi katirambanan tu lu dio mai PUANG; kanandai meloi tu apa mipogau’, belanna dio PUANG, Kapenombanta, tae’ tu apa tang malambu’, tae’ tu mentiro rupa, ba’tu untarima pappe’.

AYUB 10:3

Denraka upa’Mi, ke Mipakario-rioi sia Mitibe tu panggaraga limamMi sia Mipaparrangi masiang tu pa’tangngaranna to tang mekaaluk?

AYUB 19:6

La mangakukomi, kumua Puang Matua umpogau’ tang malolo lako kaleku sia Naparampoina’ poyaNa.

AYUB 19:7

Manassa melallakna’, kukua: Dipandasana’! apa tae’ kudipebalii. Metambana’ umpalaku pa’tunduan apa tae’ naola salunna.

AYUB 21:15

Apara gai’na lako kaleki tu To umpoissan angge maritik, kumua angki pengkaolai sia apara gai’na lako kaleki, kumua angki pengkamoyai?

AYUB 21:20

matanna kalena sipatu la untiroi tu kasangganganna, sia ia kalena sipatu unniru’i tu kare’dekan ara’Na To umpoissan angge maritik.

AYUB 34:5

Belanna ma’kada tu Ayub nakua: Iatu aku tonganna’, apa Puang Matua umpadapai tu katonganan dio mai kaleku;

AYUB 35:13

Tonganna tang Naperangii Puang Matua tu petamba punala bang, sia tang Nasaile To umpoissan angge maritik tu iannato.

AYUB 36:23

Mindara umpadulluanNi lalan, sia mindara barani ma’kada, kumua mangkamoKomi umpogau’ tang malambu’?

AYUB 36:3

La kuala mambela tu kapaissanangku sia la ussanda tonganni To tumampaku;

AYUB 37:23

Iatu Puang umpoissan angge maritik tu tae’ tatandai, kapua kamatotoranNa sia kamalamburanNa; tu liu kamaloloanNa, tang umpakelok malolona.

AYUB 4:17

Umba la nakua dadi misa’ ma’rupa tau malambu’ dio oloNa Puang Matua, ba’tu misa’ tau masero dio oloNa Tokumombongna?

AYUB 40:2

Ma’tambeke’ko susito misa’ muane, la Kukutanaiko, ammu pakilalaNa’.

AYUB 40:8

Buni sola nasangi tu tau iato lan to’ barra’-barra’, pattangi lan to’ kabunianna.

AYUB 9:2

O tonganna, inang kutandai, kumua den susito, umbara nakua tu ma’rupa tau ditonganan, ke sitingoanni Puang Matua?

PA’PUDIAN 89:14

Kamumo tu ma’takia’ bassi. Mawatang tu limamMi, sia matande tu lima kananMi.

PA’PUDIAN 99:4

Belanna iatu kamatotoranNa Datu ungkabarii katonganan. Mangkamo Mipantok tu atoran malolo, sia mangkamo Mipogau’ tu katonganan sia kamaloloan dio lu bati’na Yakub.

YEHEZKIEL 18:25

Apa mikua: Tae’ namalambu’ tu lalanNa Puang. Perangii, e to Israel, tae’raka namalambu’ tu lalanKu? Ondong pissan ia tu lalanmi tang malambu’.

YEHEZKIEL 33:17

Ma’kada tu mai sangbangsamu nakua: tae’ anna malambu’ tu lalanNa Puang, namoi to lalannari ia, tu tang malambu’.

YEHEZKIEL 33:20

Apa ma’kadakomi, kumua: Tae’ namalambu’ tu lalanNa Puang: Aku la umpaolaikomi salu, pantan sitinaya penggauranna, e to Israel.

DANIEL 9:14

Iamoto namatangkin tu PUANG la umparampoikanni tu kasanggangan, belanna iatu PUANG, Kapenombangki, malambu’ lan mintu’ pengkarangan Napogau’, apa tae’ kiperangii tu gamaranNa.

ROMA 2:5

Apa kamakarrasanna penaammu sia noka mengkatoba’, ammu rampunanni kasengkean tu kalemu sae lako allo kasengkeanNa Puang Matua sia kapayananna ukungan malambu’Na,

PA’TOLE 32:4

iamotu Buntu batu, sundun tu panggaraganNa, belanna mintu’ lalanna malolo; misa’ Kapenomban narondong kamarurusan, tang unnampui kakelokan, malambu’ sia tongan Ia.

KADA OMBO’ LAKO RASULU’ YOHANES 15:3

Anna popenani nanianna Musa taunNa Puang Matua sia nanianNa Anak domba nakua: Kapua sia makalaen-laen mintu’ penggauramMi, o Puang Matua, Puang Umpoissan angge maritik; malambu’ sia tongan tu mintu’ lalanMi, o Datunna mintu’ bangsa.

KADA OMBO’ LAKO RASULU’ YOHANES 16:7

Kurangi dio mai to’ inan pemalaran ma’kada nakua: Tonganna, o Puang Matua, Puang Umpoissan angge maritik, tongan sia malambu’ tu mintu’ ukungamMi.