AYUB 8:13 - Sura' Madatu

¹³ Dipasusimoto tu to tang ungkilalai tu Puang Matua, sia ka’tumo tu apa narannuan to tang mekaaluk.

AYUB 8:13 ပူးပေါင်းရင်းမြစ်များ

AYUB 11:20

Apa kamailuanna to tang mekaaluk umpamalayu matanna, iatu mintu’ lalan pentilindunganna ka’tumo, iatu apa napeagi, ia mannamo tu ka’tuan sunga’.

AYUB 13:16

Belanna Puang tu la kupogaronto’ kasalamarangku, apa iatu to bulituk tae’ nabarani mennolo lako Puang.

AYUB 15:34

Belanna iatu tuntunan to tang umbilang Puang Matua tang danun sia api ungkande pura mintu’ tendana to ungkande pappe’.

AYUB 18:14

Disintakki dio mai to’ tendana, tu nanii manaman nasa’ding; anna popentengkai lako datu ma’patiramban.

AYUB 20:5

Manassa iatu arrakna to tang mekaaluk sangparaanri, sia iatu kaparannuanna to tang umbilang Puang Matua sangattu’ bangri.

AYUB 36:13

Apa iatu to bulituk umpasipapa’ kasengkean; tae’ nameongli’ umpalaku pa’tunduan, ke Napungoi Puang;

AYUB 8:12

Tuo melopa, tae’pa nama’din disasa’, anna ta’pa malayu dolo namane iatu mai riu senga’.

PA’PUDIAN 1:4

Iatu to tang mekaaluk tang ten ia a’ganna to, sangadinna sangtinti ta’pian nasarombonan angin.

PA’PUDIAN 10:4

Nakua tu to tang mekaaluk naturu’ a’gan matampona, kumua: Tae’ ia Namepapakkanni tu Puang; belanna iatu mai passanganna nakua: Tae’ ia Kapenomban.

PA’PUDIAN 112:10

Iatu to tang mekaaluk rosso la untiroi tu iannato umpasisange’ isinna, anna poton; sia iatu kamaduanganna to tang mekaaluk tang lolo’.

PA’PUDIAN 50:22

Parinaai tu iannate, e kamu to tang ungkilalai Puang Matua, da angKu se’bu-se’bukomi, sia tae’ misa’ tau umbelai untindokkomi.

PA’PUDIAN 9:17

Umpasombomo Kalena tu PUANG, sia umpabantang katonganan, iatu to tang mekaaluk naala poya panggaraganna kalena. Higgayon. Sela

SARAMBU PEADA’ 10:28

Iatu pa’rannuanna to malambu’ la umpabu’tu kasendean, apa iatu sissareanna to tang mekaaluk la putta.

SARAMBU PEADA’ 11:7

Iake matemi tu to tang mekaaluk puttamo to tu pa’rannuananna sia iatu apa naanga’ to kadake la pa’de.

SARAMBU PEADA’ 12:7

Iatu to tang mekaaluk disongkammo anna rabun, apa iatu banuanna to malambu’ la bantang ia.

YESAYA 33:14

Tirambanmo tu mintu’ to umparri-parri kasalan dio Sion; narampoimo katigegaran tu mintu’ to tang mekaaluk anna ma’kada nakua: Mindariki’ tu ma’din unno’ko’ sikandappi’ kamapannangan masae lako?

YESAYA 51:13

Ammu kalupai tu PUANG, To tumampamu, tu umpalumbang langi’ sia umparandanganni lino, ammu tontong bang tu’tu’ allo ungkataku’ kamasarranganna to ma’pakario-rio, ke tumayai la pasanggangi? Umbamira tu kamasarranganna to ma’pakario-rio?

BATING 3:18

Iamoto angku ma’tangnga’ kukua: ta’demo tu kamatotorangku, sia pa’rannuanangku langngan PUANG.

MATIUS 24:51

nateba-tebai la’bo’ sia napakitai kataananna sisola to belo puduk. Indemoto nanii katumangiran sia kasisangeran isi.

PA’TOLE 6:12

Attu iato kanandai tu kalemu, da mukalupai tu PUANG, tu ussolangko tassu’ lan mai tondok Mesir, lan mai inan minii dipokaunan.

PA’TOLE 8:11

Kanandai tu kalemu, da mukalupai tu PUANG, Kapenombammu, ke tang mukaritutui tu pepasanNa, atoranNa sia iatu aluk Napondok, tu kupapassanangko allo iate,

PA’TOLE 8:14

da mupamadao penaammu sia mukalupai tu PUANG, Kapenombammu, tu ussolangko tassu’ lan mai tondok Mesir, lan mai inan munii dipokaunan.

PA’TOLE 8:19

Apa la dadi, ke mukalupai liumi tu PUANG, Kapenombammu, ammu turu’mo kapenomban senga’ sia umpengkaolai sia tukkuko umpenombai – la kupamanassangkomi totemo, kumua la sanggang tongankomi.