AYUB 7:9 - Sura' Madatu

⁹ Susito gaun pa’demo sia sumayo-mayo male kabu’, susi duka tu minda-minda mengkalao rokko lino tomate, tae’mo nakendek sule.

AYUB 7:9 ပူးပေါင်းရင်းမြစ်များ

2 SAMUEL 12:23

Apa totemo matemo tu pia, apapa gai’ku la ma’puasa? Ma’dinraka la kuala pole’opa sule? Tonganna akumira la male lako, apa ia tae’mo nala sule lako kaleku.

2 SAMUEL 14:14

Inang la mate nasangki’ susito uai tibollo rokko padang, tu tae’ nadirampun. Apa tae’ Naalai Puang Matua tu katuoan, sangadinna Natangnga’, kumua anna iatu to ditibe, da natontong mambela dio mai Kalena.

AYUB 10:21

ke tae’pi angku male sia tang sule lako tondok kamalillinan sia kapittukan,

AYUB 11:8

Iatu iannato malangka’ ten to langi’; apara tu ma’din mupogau’? Mandalan na lino tomate; apara tu ma’din mutandai?

AYUB 16:22

Belanna sidi’ bangri tu taun la sae, angku olai tu lalan, tu tae’ angku la unnolai sule.

AYUB 17:13

Iake kukampai tu lino tomate susito banuangku, sia kuballa’ tu inan mamma’ku lan kapittukan,

AYUB 17:16

Iatu iannato la male rokko to’ mandalanna lino tomate, ke pada malekan sola rokko to’ litak.

AYUB 3:13

Ianna susito la mamma’na sia ma’pakari’pina’, sia la matindona’, angku rapa’

AYUB 30:15

Iatu apa ma’patiramban nabolloina’; iatu kamala’birangku pa’de disapui susito angin; sia iatu kamauparangku tileak susito salebu’.

AYUB 37:11

Napatamai duka uai Puang tu salebu’, namagasa, Napatitale’ tu salebu’Na, nanii palepa’,

PA’PUDIAN 39:13

Perangiimi tu passambayangku, o PUANG, sia tananni talingamMi tu pengkamoyaku, sia da Mipa’loko-lokoi tu tangi’ tang marangangku, belanna iate aku te misa’na’ to sae dio Kalemi, sia to mentiruran susi mintu’ to doloku.

YESAYA 26:14

Iatu to mate tae’mo anna tuo sule, iatu bombo to mate tae’mo anna malimbangun, iamoto Miukung, Misanggangi sia iatu mintu’ tanda kadikilalaianna tu tau iato mai Mipa’dei.

YESAYA 38:11

Kukua: Tae’mo kula untiro PUANG iamotu PUANG lan tondok to tuo, tae’mo kula untiro tolino sia torro sisola issinna lino.