AYUB 7:21 - Sura' Madatu

²¹ Ma’apari amMi tang umpagarri’ri tu kapatodo-tintingangku? sia ma’apari amMi tang umpa’dei tu kakelokangku? Belanna madomi’na’ sumpandan lan to’ barra’-barra’; attu iato la Midaka’na’, apa ta’demo’.

AYUB 7:21 ပူးပေါင်းရင်းမြစ်များ

2 SAMUEL 24:10

Apa iatonna mangkamo unnia’i tu mintu’ pa’tondokan, ma’parondomi tu penaanna Daud, anna ma’kada tu Daud lako PUANG, nakua: Mandu tonganmo’ kasalan umpogau’i tu iannato; melo, o PUANG, pa’dei dikka’ tu kasalanna taumMi, belanna ma’gau’ to bagana’.

AYUB 10:14

kumua iake kasalammo’, manassa Mipemarangana’ sia tae’ Mibilang maserona’ dio mai kakelokangku.

AYUB 10:9

Kilalai, kumua losso’ pitti’ tu Mikombong angku dadi, sia morairoKomika umpasulena’ angku dadi barra’-barra’?

AYUB 13:19

Mindara ma’din umbalina’ lan kara-karaku? Iake tonganni den, la kappana’ anna ka’tu sunga’ku.

AYUB 14:10

Apa iake misa’ muane mate, manassa sumpandan sia tang pandiu-diumo; sia iake ka’tumi sunga’na tu tolino, umbara nanii torro?

AYUB 17:14

angku ma’kada lako panglamunan, kukua: Kamu tu ambe’ku, sia lako ulli’ kukua: Kamu tu indo’ku sia anak darangku,

AYUB 20:8

Pa’de susito pangimpi sia tang diappa’mo, disapui susito patiro mendeata ke bongi.

AYUB 27:19

Umbambangan kalena mamma’ situang kasugiranna, apa tae’ nama’din umpogau’ pole’i, umbangunan matanna, anna moi misa’ apa tae’mo natiro.

AYUB 3:13

Ianna susito la mamma’na sia ma’pakari’pina’, sia la matindona’, angku rapa’

AYUB 33:9

Maserona’ aku, tae’ kapatodo-tintingangku, malinona’ sia tae’ kakelokangku;

AYUB 7:8

Minda-minda umpata’paina’ mata, tae’mo nala untirona’; mipapatuimo’ matammi, apa ta’demo’.

AYUB 8:1

Ma’kadami tu Bildad, to Suah nakua:

AYUB 9:28

manassa kukataku’ tu mintu’ kamaparrisangku; kuissan kumua iatu kamu tae’ Mibilang maserona’ dio mai kasalan.

PA’PUDIAN 103:15

Iatu tolino susi bang riu katuoanna, sia susi bunga-bunga dio lu padang, susi dukamo ia menta’bi to.

PA’PUDIAN 37:36

Apa den tau lendu’ dio, natiroi, pa’demo, kudaka’, apa tae’mo kutiro lako.

TOMANGADA’ 12:7

sia iatu litak sule rokko padang, susi a’gan dolona, sia iatu penaa sule lako Puang Matua, tu mangka ungkamaseanni.

YESAYA 26:19

Mintu’ taumMi tu matenamo la tuo sule, sia batang rabukku duka; mintu’i la pada malimbangun. Millikkomi sia kumalasi-lasikomi, e kamu sola nasang, tu to diong litak! belanna iatu damo’Mi iamo damo’ paarrang; sia iatu litak la ullua mintu’ to mangka mate.

YESAYA 64:9

O PUANG, da Misengke tarru’ bang sia da Mitontong ungkilalai tu kakadakeangki. Tiromi sia mantami: kami sola nasang te, taumMi.

DANIEL 12:2

Anna buda tu to matindomo lan lipu daenan, la malimbangun sule, den lu lako katuoan sae lakona, den lu lako kaditattan, iamotu apa megi’giran sae lakona.

HOSEA 14:2

Mengkatoba’ko, e Israel, lako PUANG, Kapenombammu, belanna tete dio kakadakeammu, ammu tisumbang.

YOHANES 1:29

Tonna masiang to nakitami tu Yesu sae lako kalena nakuami: Tiromi tu Anak dombaNa Puang Matua, tu ussarapai kasalanna issinna lino.

TITUS 2:14

tu mangka ussorong Kalena belanna kita, kumua anna la’bakki’ dio mai mintu’ kakadakeanta, sia kumua anna pamaseroanni Kalena tu sangrapu tau la Napotau misa, tu birisanna umpogau’ kameloan.

1 YOHANES 1:9

Apa iake taakui tu mintu’ kasalanta, maruru’ sia malambu’ Ia tu Puang Matua, la umpa’dei mintu’ kasalanta, sia usseroiki’ dio mai mintu’ kakadakeanta.

1 YOHANES 3:5

Miissan kumua dipasombo tu Kristus anNa lendokanni tu mintu’ kasalan; lan Kalena tae’ kasalan.