AYUB 7:11 - Sura' Madatu

¹¹ Apa totemo ia duka tu aku tang kupadapamo tu lilaku, sangadinna la ma’kadana’ lan kapussakan penaangku, sia la sumarrona’ lan kamapairan deatangku.

AYUB 7:11 ပူးပေါင်းရင်းမြစ်များ

KADADIAN 42:21

Ta’kala nasipa’kadamo sola nasangi nakua: Manassa kita te sola nasang kasalangki’ lako adinta tu tatiro pu’du’ tu penaanna tonna mengkamase-mase lako kaleta, apa tae’ taperangii, iamoto anna rampoiki’ te kapu’duran.

AYUB 10:1

Iatu penaangku mosomo tuo, kulendokan bang tu sarroku, sia ma’kadana’ lan kamapairan penaangku.

AYUB 10:15

Iake manassana’ sala – upu’ alloku! sia iake tae’i kusala – manassa tae’ kubelai unnadongan ulungku, belanna namosomo’ kadisayuan sia untiro kamandasangku.

AYUB 13:13

Perangiina’ ammi kappa, angku ma’kada, moi naapa-apa urrampoina’.

AYUB 16:6

Apa moi angku ma’kada tae’ nakurang tu kamaparrisangku, sia iake kappana’, denraka kamaringanan kupolean?

AYUB 21:25

Iatu senga’na mate mapalla tongan, tu tang ussa’ding len melona.

AYUB 23:2

Totemo iatu sarroku kapabali-baliammo, moi na iatu kasumarroangku natampunpa limangku.

AYUB 36:21

Kanandai, da milulako kakadakean, belanna iamo napobannang to narampoikomi kamandasan.

AYUB 6:26

Denraka lan penaammi pasayu kada bang? Sia misanga bangraka angin tu apa nasa’bu’ to ka’tu rannunna?

AYUB 9:27

Iake kutangnga’i, kumua: La kukalupai bang tu sarroku, sia kua’ga senga’ tu rupangku sia kupaparannu tu penaangku,

PA’PUDIAN 39:3

Kupakari’pi bangmo tu kaleku tang ma’kada sia kupakappa, ma’loko-loko bangna’ sisayuran melona, apa sakerangngan-rangnganna karossoangku.

PA’PUDIAN 40:9

O Kapenombangku, kuporai umpogau’i tu naalanna penaamMi, sia iatu sukaran alukMi manda’ kupariba’teng.

YESAYA 38:15

Apara la kupokada, apa ma’kadamo tu Puang lako kaleku sia mangkamo Napogau’ tu iannato? La kupela’-pela’ lumingka lan tu taun kadadiangkupa, belanna kamapa’diranna penaangku.

YESAYA 38:17

Iatu kamaparrisan kapuaku membalimo kasalamarangku. Puangmo tu ullendokanna’ dio mai patuang lambe’ nanii kaburukan, belanna mintu’ kasalangku Mitibemo lako boko’Mi.

LUKAS 22:44

Lanmo kamaparrisan kapua na samukkun-mukkunNa massambayang. Sia iatu ma’pu’Na, susito rara pantan to’do rokko padang.

2 KORINTUS 2:4

Belanna lendu’ masussangku sia matanna’na penaangku umpakatu sura’ mati’, sia sitana’takan uai matangku, tae’ kumua angku sussaikomi, sangadinna kumua ammi issanni tu pa’kaboro’ku tang liu-liu tongan lako kalemi.

1 SAMUEL 1:10

Belanna tarru’ masussa tu penaanna, mengkamoyami lako PUANG, anna unnade-ade tumangi’.