AYUB 7:1 - Sura' Madatu

¹ Tang mandu mara’ta’raka tu tolino dao kuli’na padang, tang susiraka allona tosumaro tu katuoanna?

AYUB 7:1 ပူးပေါင်းရင်းမြစ်များ

AYUB 10:17

Tontong bangna’ Mitamban sa’bi ba’ru unneana’, sia umpabudaKomi kamapa’diran penaamMi lako kaleku susi to sangtuntunan, ondongpi sangpampangan surodadu ullaoina’.

AYUB 14:1

Iatu tolino tu nadadian baine, tang masae lako tu allo katuoanna sia nabossa kamagiangan.

AYUB 5:7

Apa iatu tolino dadi la unnappa’ kamasussan, susi lelatu sipettia’-tiaran kendek langngan.

AYUB 7:2

Susitu misa’ kaunan ungkamali’ pentionganan, ba’tu susi misa’ to sumaro umpeagii tu sarona.

PA’PUDIAN 39:4

Re’dekmi tu penaangku lan, marassanmo’ ma’tangnga’-tangnga’ dukkumi tu api; manera’ umbungka’ sadangku, ma’kada:

TOMANGADA’ 8:8

Moi misa’ tau tae’ duka ungkuasai angin la umpatadangi; sia moi misa’ tau tae’ duka ungkuasai lampakna sia tae’ duka kadirampanan lan kasirarian; susi dukato iatu katangmekaalukan tae’ nala urrampananni tu to umpogau’i.

YESAYA 16:14

Apa totemo nakua tu kadanNa PUANG: Tallung taunpi, susitu taun to sumaro, anna mintu’ kamala’biranna Moab membali kamatunan sola mintu’ kamapuluranna; iatu torronapa la sidi’ sia la bitti’ sia tang keangga’.

YESAYA 21:16

Belanna nakua tu kadanNa PUANG lako kaleku: Sangtaunpi, susi taun to sumaro, anna pa’de nasang tu kamala’biranna Kedar.

YESAYA 38:5

Maleko, pokadanni Hizkia, kumua: Inde sia tu kadanNa PUANG, Kapenombanna nene’ to dolomu Daud: Kurangimo tu passambayangmu sia Kutiromo tu mintu’ uai matammu; tonganna la Kurangngannipa tu umuru’mu sangpulo lima taunna.

YESAYA 40:2

Ma’kadakomi la umpamanamanni tu penaanna to lan Yerusalem, pemandui meoli lako kalena, kumua upu’mo tu mintu’ kamasarasanna sia tila’bakmo tu mintu’ salana; naappa’mo penduan manglokkon dio mai limanNa PUANG belanna mintu’ kasalanna.

SURA’ KATOMINAAN 25:50

La naagian sola tu to unnallii randuk tu taun nanii sandang lako kalena sae lako taun Yobel, na iatu doi’ allinna dipasireken bilanganna taun nanii mengkarang; susito sumaro dio kalena.

PA’TOLE 15:18

Da namagasa penaammu la ussuai male, belanna annanmo taunna mupotosumaro tu umpengkarangangko penduan manglokkon; ke susito la Napamasakkeko PUANG, Kapenombammu, lan mintu’ apa mupogau’.