AYUB 5:4 - Sura' Madatu

⁴ Iatu mai anakna muane sisayuran pa’tunduan, dipopellesean lan to’ babangan, natae’ tau urrampananni.

AYUB 5:4 ပူးပေါင်းရင်းမြစ်များ

AYUB 1:19

pakalan saemi tu talimpuru’ lu sambalin mai padang pangallaran, unnangka’i tu a’pa’ tetuk banua, anna songkai tu to mangura iato, anna mate nasang; aku mannamo tu tilendok sae umpokadangkomi tu iannato.

AYUB 10:7

moi amMi tandai, kumua tae’ angku sala, sia moi misa’ tau tae’ nama’din ullendokanni lan mai limamMi?

AYUB 20:10

Iatu anakna la undaka’ pa’kamaseanna to bitti’ sia limanna kalena la umpasulei tu barang apanna.

AYUB 27:14

Iake samemba’ka-ba’ka’nai tu anakna iamo kandena pa’dang, sia iatu bati’na tang napedia’i kande;

AYUB 8:4

Umbai kasalammo tu mai anakmu lako Puang, iamoto Naparampoi poleanna tu kapatodo-tintinganna.

PA’PUDIAN 119:155

Toyang ia tu kasalamaran dio mai to tang mekaaluk, belanna tae’ anna anga’ lenni tu apa Mipondok.

PA’PUDIAN 127:5

Maupa’ tu to ponno tinaran tu tambilana, tau iato mai tae’ anna la kasirisan, ke sibisarai balinna dio babangan tondok.

PA’PUDIAN 7:2

O PUANG, Kapenombangku, mati’ Kalemi kunii sande’, lendokanna’ dio mai mintu’ to unnula’na’ sia rampananna’.

KATASSURAN 20:5

Da’ mutukku umpenombai sia da’ mupengkaolai, belanna Akumo PUANG, Kapenombammu, Kapenomban manoka ditimba oloNa, tu umpapakkanni kakelokanna mintu’ ambe’ lako anakna, sae lako osso’ ma’pentallunna sia ma’penna’pa’na tu mintu’nato ungkabiri’Na’,

SARAMBU PEADA’ 24:7

Iatu to baga tae’ nalambi’i tu kakinaan; tae’na tiku’bi’ tu pudukna lan to’ babangan.

AMOS 5:12

Belanna Kuissan, kumua tumbai budanna tu kapatodo tintingammi sia tumbai makambanna tu kasalammi; mipapussak tu to malambu’, ungkandekomi pappe’ sia mitumpu tu to mase-mase lan lu babangan.

YOSUA 20:4

Ianna mallai tu tau iato lako sala umbannai tu kota iato, la torro bendan dio tingayo babangan kota, anna pa’peissananni tu a’ganna lako pekaamberanna kota iato; manassa la natarima tu tau iato tama kota, anna patiroanni inan pa’bongian, nanii torro sola.