AYUB 5:13 - Sura' Madatu

¹³ Ia umpoya to matarru’ lan pa’pakenanna, anna didampa tu tanan penaanna to pakira-kira.

AYUB 5:13 ပူးပေါင်းရင်းမြစ်များ

2 SAMUEL 15:31

Attu iato napokadami tau lako Daud nakua: Iatu Ahitofel dio lu sola tu to sipakulu-kulu Absalom. Nakuami Daud: O PUANG, padampai tu pa’timbanganna Ahitofel.

2 SAMUEL 15:34

apa iake suleko tama kota ammu ma’kada lako Absalom: Aku te taunnamo’ puangku, moi anna dolona taunnana’ ambe’mi; apa totemo taunnamo’ puangku; nasusito ma’din mupadampa tu pa’timbanganna Ahitofel.

2 SAMUEL 17:23

Iatonna tiromi Ahitofel, kumua tae’ nadituru’ tu pa’timbangna, nalapikkimi tu keledainna, anna male lako banuanna dio tondokna; iatonna mangkamo umpasanni tu mintu’ to lan banuanna nataa-taanni tu apanna, untoke’mi kalena; susimo kamateanna to, anna dilamun diong panglamunanna ambe’na.

ESTER 7:10

Nasulami tau tu Haman dao lentong tu napabendanan Mordekhai. Namane pa’de tu kare’dekan ara’na datu.

ESTER 9:25

Apa iatonna malemo (tu Ester) mennolo lako datu, napatassu’mi datu tu sura’ parenta, kumua iatu tangnga’ kadake tu natangnga’ unnea to Yahudi, la sule ta’pa dao ulunna. Iatu Haman sia mintu’ anakna muane nasula tau lako misa’ lentong.

AYUB 15:5

Belanna iatu kakelokammu unnada’iko ma’kada susito, ammu pilei tu kada to ma’pakena.

AYUB 37:24

Iamoto Nakataku’i ma’rupa tau tu Puang, apa iatu to tang ma’perangi moi misa’ tae’ Natiroi Puang.

PA’PUDIAN 18:26

Lako to maruru’ Mikaruru’i duka, sia lako to tae’ sayuanna, Mipemaloloan penaa,

PA’PUDIAN 9:17

Umpasombomo Kalena tu PUANG, sia umpabantang katonganan, iatu to tang mekaaluk naala poya panggaraganna kalena. Higgayon. Sela

SARAMBU PEADA’ 3:32

belanna Nakagi’gi’ PUANG tu to leko’, apa iatu to bulo lollong Naposangmane tongan.

YESAYA 19:3

Attu iato iatu tangnga’na to Mesir la putta, sia la Kudampa tu tanan penaanna; anna male mekutana lako dipa’deatainna sia mintu’ to ma’basa-basa sia bombo to mate sia to sola deata.

YESAYA 44:25

Akumo tu undampa tanda-tandana to untannun kamo’rangan sia Aku dukamo tu umpatolle mintu’ to pakita-kita; mintu’ to paissan Kupamaling sia iatu kapaissananna baga.

YEREMIA 18:18

Attu iato ma’kadami tu tau iato mai nakua: Maikomi tadakaran tangnga’ Yeremia, belanna tae’ lenpa napa’de tu pangadaran dio lu mintu’ to minaa ba’tu pa’timbangan dio lu mintu’ to matarru’ ba’tu kada dio lu mintu’ nabi. Maikomi taotton kadai; sia da taperangii moi misa’ tu kadanna.

YEREMIA 49:7

Diona Edom. Nakua kadaNa PUANGna mintu’ ma’dandan maritik: Tae’moraka kapaissanan lan T’eman? Lanna’moraka tu pa’tangngaranna to unnampui tangnga’ kinaa sia pa’demoraka kapaissananna tu tau iato mai?

YEREMIA 8:8

Umba la mikua ma’kada kumua: Kami te to paissan; sia dio kaleki tu Sukaran alukNa PUANG? Manassa iatu penaa pa’pakenanna mintu’ to massura’ untonno’ leko’i.

YEREMIA 8:9

Dipakasiri’ sia masussa, ondongpi pussak tu mintu’ to paissan, belanna natumpu tau iato mai tu kadanNa PUANG; kapaissanan apa toda dio kalena?

YEREMIA 9:22

– nakua kadanNa PUANG: Ma’kadako – iamo napourung to na iatu batang rabukna tau situlambenan, susi pangangku’ dio lu padang sia susi gandung dika’pan tobang dio boko’na to ungka’ta’i, namoi misa tau tae’ urrampunni.

KADIBILANGAN 22:25

Iatonna tiromi keledai birang tu Malaeka’Na PUANG, umpasi’pinmi kalena lako tembo’, anna tirimpi’ tu lette’na Bileam tama tembo’; nabamba pole’omi tu keledainna.

LUKAS 1:51

Pura naolamo limanNa tu pentoean matoto’, Napasisarak-sarakmo tu mintu’ to matampo nasanga lan penaanna;

1 KORINTUS 3:19

Belanna iatu kakinaanna te lino mendadi pa’popetaa lako Puang Matua. Apa den disura’ nakua: Tangnga’na kalena tu to matangngaran Nanii Puang untingkanni.