AYUB 5:11 - Sura' Madatu

¹¹ Umpamatande to madiongan, anna iatu to rosso penaanna unnappa’ pa’tunduan matoto’.

AYUB 5:11 ပူးပေါင်းရင်းမြစ်များ

AYUB 22:29

Moi dilese lu rokkoko, ma’kada layuk siapoko! sia minda-minda umpamadiongan pentirona, Puang la untundui.

AYUB 36:7

tae’ Natampunanni mata tu to malambu’, sangadinna Napaunnisung dao isungan kapayungan sola datu, naurungan matande tongan.

AYUB 8:7

Iake susito iatu a’gan dolomu baitti’ ditiro, apa a’gan undimmu la mandu tarompo’.

PA’PUDIAN 107:41

Apa Narinding pala’ tu to mase-mase dio mai kadipakario-rioan, sia Napamakamban tu pa’rapuanna ten to domba sia bembe’ ma’baanan.

PA’PUDIAN 113:7

Ia unnendekan to bongko diong mai to’ barra’-barra’, sia umbangunan to mase-mase diong mai to’ so’mak.

PA’PUDIAN 91:14

Belanna la’ka’ tongan lako Kaleku, iamoto angKu la urrampananni, sia belanna natandai tu sangangKu, iamoto angKu la urrinding pala’i.

YEHEZKIEL 17:24

Anna mintu’ kayu dio padang la untandai kumua Akumo, tu PUANG, umpamadiongan kayu matande sia umpamatande kayu mengkadiongan, umpamarangke kayu maluna sia umpopentaruk kayu marangke. Akumo, tu PUANG, tu mangka umpokadai to, sia Akumo tu la umpogau’i.

LUKAS 6:21

Maupa’komi tu tangdia’na totemo, belanna la dipedia’ikomi. Maupa’komi tu tumangi’na totemo, belanna la metaakomi undinna.

PA’TOLE 33:27

Puang Matua matontongan mupopentionganan sia tontong urrande pala’ko. Belanna mangkamo unnula’ ualimmu dio tingayomu sia ma’kada Nakua: Pisanni!

YAKOBUS 1:9

Apa sipatu tu siulu’ tu lan a’gan kamadiongan la massattuan diona kadipamadaoanna;

1 PETRUS 1:3

Mintu’na kadipudian lu langngan nasang Puang Matua Ambe’Na Puangta Yesu Kristus, tu tete dio kakapuanna mamaseNa anna dadian poleki’, taurunganni unnappa’ kapa’rannuanan tuo belanna kamalimbangunanNa Yesu Kristus dio mai to’ to mate,

1 PETRUS 5:10

Puang Matua oto’na mintu’ pa’kamasean tu mangka untambaikomi tete dio Kristus mentama kamala’biran matontonganNa, ke mangkamokomi umperasai kamaparrisan lan attu sangattu’, Ia duka la umpasundunkomi sia umpabantangkomi sia umpamatoto’komi sia umparandangannikomi.