AYUB 5:10 - Sura' Madatu

¹⁰ Umpasae uran dao kuli’na padang, sia umbolloan uai dao kapadanganna.

AYUB 5:10 ပူးပေါင်းရင်းမြစ်များ

AYUB 28:26

iatonNa pantokki tu atoranna uran sia Napamanassa tu mai lalanna lila kila’,

AYUB 36:27

Belanna Naangka’ Puang langngan tu damo’, anna dipamakamban tu salebu’ dadi uran,

AYUB 36:28

tu napatibollo-bollo gaun sia napato’doan mintu’ tau.

AYUB 37:6

belanna ma’kada lako ambun makko Nakua: Tobangko rokko lino, sia lako angin bara’ sia uran kamban Nakua: bara’komi!

PA’PUDIAN 147:8

Tu to umpasitutu’i salebu’ tu langi’, sia umpadenanni uran tu lino, sia umpatuoi riu tu mai tanete.

PA’PUDIAN 68:9

Tisenomi tu lino, sia lollo’ tu langi’, dio oloNa Puang Matua, ia duka tu Sinai tiseno dio oloNa Puang Matua, Kapenombanna to Israel.

YEREMIA 10:13

Iake umpatassu’i kadanNa, mongngo’ tu uai dao langi’ sia umpakendek salebu’ dio mai randan langi’; Ia umpadadi kila’ naturu’ uran, sia umpatassu’ angin lan mai pa’palumpunanNa.

YEREMIA 14:22

Denraka misa’ tu rapang-rapang dipodeata tu tae’ gai’na dio lu mintu’ bangsa ma’din umpasae uran? Ma’dinraka tu langi’ umpatibarrak uran sae? Tae’raka naKamu, o PUANG, Kapenombangki? Iamoto angki rannuangKomi, belanna Kamu umpadadii tu mintu’nate.

YEREMIA 5:24

Sia tae’ nama’kada lan penaanna, kumua: Melo ke mengkaolaki’ lako PUANG, Kapenombanta, tu mamase umpasaeangki’ uran, la uran bunga’ la uran tampak, ke attunnai sia tu umpenandangki’ ba’tu pirang-pirang minggu, tu attu pegandungan.

AMOS 4:7

Sia Aku duka, tae’mo Kubenkomi uran, tonna tallung bulanpa, namane pegandungan, Kubenmo uran tu misa’ kota, apa iatu kota senga’ tae’; iatu sangteppe’ pa’lak kauranan, na iatu senga’na, tu tae’ nato’doi uran, marangke.

PENGGAURANNA RASULU’ 14:17

moi anNa umpa’pepayanan Kalena umpogau’ kameloan, sia umpasaeangkomi uran dao mai langi’ sia pentaunan sebona bura padang sia Napabossai kande sia kaparannuan tu penaammi.