AYUB 42:2 - Sura' Madatu

² Kutandai kumua Kamu tu umpoissan angge maritik, sia moi misa’ lalan tangnga’Mi tang dipadapa len.

AYUB 42:2 ပူးပေါင်းရင်းမြစ်များ

KADADIAN 18:14

Denraka apa tang dadi ke PUANG? Iake attu susite taun pole’ la saeNa’ lako kalemu, la denmo pia muane nadadian Sara.

AYUB 23:13

Apa tang leluk tu pa’inaanNa Puang-mindara ma’din umpadapai? Apa tu naala penaanNa, Napalalo duka.

AYUB 25:2

Kama’parentan sia pa’patiramban dio Puang, tu mesua umpaden kamarampasan dao masuanggana.

AYUB 42:1

Mebalimi tu Ayub lako PUANG nakua:

PA’PUDIAN 135:6

Iami Naporai, iamo Napogau’, la dao langi’ la lan lino, la diong tasik ba’tu diong lu liku mandalan.

PA’PUDIAN 139:2

Mitandai tu diona torro ke’de’ku; sia mambelapa Mitandaimi tu lalan tangnga’ku.

PA’PUDIAN 44:21

Iake moronganna angki tang ungkilalaimo sanganNa Kapenombangki, ba’tu umpatadokan pala’ki lako kapenomban senga’.

SARAMBU PEADA’ 19:21

Buda tu natangnga’ tau lan penaanna, apa iatu NapantokNa PUANG tang leluk.

TOMANGADA’ 3:14

Kutandaimo, kumua iatu mintu’ pengkaranganNa Puang Matua, matontongan; tae’ tau ma’din urrangnganni ba’tu unnalai; sia Napogau’ Puang Matua tu iannato, kumua anna mataku’ tu tau dio oloNa.

YESAYA 14:27

Iatu mintu’ apa mangka Nalampak PUANGna mintu’ ma’dandan maritik, mindara la undampai, iatu limanNa tie’te’mo, mindara la umpodoranni?

YESAYA 43:13

Iake undinna Aku duka tu Puang Matua sia moi misa’ tau tae’ la urrampananni lan mai lisu pala’Ku. Iake Kupogau’i, mindara ma’din undampai?

YESAYA 46:10

Tu umpokadai randuk tipamulanna sae lako ma’katampakanna tu apa la dadi sia tempon dio mai tu apa tae’pa; tu ma’kada nakua: La dadi tu panglampakKu sia la Kupogau’ tu mintu’ pa’poraiangKu;

YEREMIA 17:10

Akumo, PUANG, ussandak penaa sia ussudi ba’teng, la umpabala’i simisa’-misa’i tu tau sitinaya kedona sia sitinaya bua penggauranna.

YEREMIA 32:17

O Puangta PUANG, tonganna Kamumo umpadii tu langi’ sola lino tete dio kamatotoran kalle-kalleamMi sia tete dio takia’ tie’te’Mi; moi misa’ tae’ tu tang dadi dio Kalemi.

YEHEZKIEL 38:10

Inde sia tu kadanNa Puangta PUANG, Nakua: Attu iato la bu’tu ba’tu pira-pira pa’timbangan lan penaammu; ammu tangnga’ apa kadake.

DANIEL 4:32

Sia la naali’ko tau dio mai sangbilangan tolino na iatu katorroammu la sisola olo’-olo’ dio lu padang; anna pakandeko tau riu ten to sapi; sia nalambi’ pempitu attu la munii susito sae lako muakunna, kumua Puang Patodoranna ungkuasai kadatuanna tolino sia Nakamasei tu minda-minda Naporai.

DANIEL 4:35

Iatu mintu’ to untongkonni kuli’na padang direken tae’ bang gai’na; Napogau’i lako tu mintu’na angge maritik dao langi’ sia mintu’nato untongkonni kuli’na padang unturu’ pa’poraianNa, sia moi misa’ tau tae’ untukka’i tu limanNa, ba’tu ma’kada lako Kalena kumua apara tu Mipogau’?

MATIUS 19:26

Mentiromi tu Yesu lako tinde tau Nama’kada, Nakua: Iake tolino tae’ nadadi te iannate, apa iake Puang Matua tae’ apa tang dadi.

MARKUS 10:27

Mentiromi Yesu lako tinde tau sia Nakua: Iake tolino tae’ nadadi tu iannato, apa tae’ natang dadi ke Puang Matua; belanna iatu Puang Matua mintu’na angge maritik lan nasang kuasanNa.

MARKUS 14:36

Nakuami: Abba, o Ambe’, mintu’na angge maritik lan nasang kuasamMi, lendokanni dio mai Kaleku te irusan iate, apa iatu iannato tangia pa’poraiangKu sangadinna pa’poraiamMi.

LUKAS 18:27

Nakuami Yesu: Iatu nasanganna tolino tae’ nadadi tae’ natang dadi ke Puang Matua.

YOHANES 21:17

Natole pole’omi ma’kada lako Nakua: E Simon, anakna Yohanes, mukamali’Ra’ka? Masussami tu Petrus tu belanna ma’pentallun maro’mo ma’kada lako kumua: Mukamali’Ra’ka? Nakuami lako: O Puang, mintu’na angge maritik Miissan nasang, Miissan duka kumua aku te kukamali’Komi. Nakuami Yesu lako: Kaduttu’i tu mintu’ dombaKu.

EFESUS 1:11

Lan dukamo Kalena tanii dipadadi mana’, dilampak unturu’ tanan penaanNa Puang Matua, tu umpakedo mintu’na, situru’ lalan pa’inaanNa.