AYUB 40:4 - Sura' Madatu

⁴ Susiraka takia’Na Puang Matua tu takia’mu, sia ma’dinraka tu gamarammu gumaluntu’ susi gamaranNa Puang?

AYUB 40:4 ပူးပေါင်းရင်းမြစ်များ

KADADIAN 18:27

Ma’kada polemi tu Abraham nakua: Tonganna tongan losso’ sia barubuk balingku, kupengkabatta’imo sipa’kada Puang.

KADADIAN 32:10

Iatu aku te tae’ angku sipatu la unnappa’ kameloan sia kamarurusan moi sidi’ duka, tu Napa’ pekitanan Puang lako kaunanMi, belanna tekkenku manna kubaa ullambanni te salu Yordan, na totemo menduang tuntunammo.

2 SAMUEL 24:10

Apa iatonna mangkamo unnia’i tu mintu’ pa’tondokan, ma’parondomi tu penaanna Daud, anna ma’kada tu Daud lako PUANG, nakua: Mandu tonganmo’ kasalan umpogau’i tu iannato; melo, o PUANG, pa’dei dikka’ tu kasalanna taumMi, belanna ma’gau’ to bagana’.

1 DATU 19:4

Apa iatu ia, misa-misa male lako padang pangallaran, lan kalingkan sangallo, narampo unno’ko’ lako to’ garonto’ roten, anna kabariimi tu la mate sia nakua: Lendu’ masangku totemo! Alami tu sunga’ku, o PUANG, belanna iate aku tae’ angku mandu melo na iatu mai to doloku.

EZRA 9:15

O PUANG, Kapenombanna to Israel, Kamumo tu malambu’, belanna torro siapakanni pira tu tilendokna, susite allo iate. Manassa bendankan dio oloMi nakabu’kan kasalangki. Tonganna moi misa’ tau tae’ nakullei torro bendan dio oloMi.

EZRA 9:6

sia ma’kadana’ kukua: O Kapenombangku, masiri’na’ sia maila’na’ mentingara lako Kalemi, o Kapenombangku, belanna iatu kakadakeangki kendekmo ussamboi ulungki sia iatu kasalangki sumpumo langngan langi’.

NEHEMIA 9:33

Apa Kamumo tu malambu’ lan mintu’ apa urrampoikan, belanna Mipa’petiroammo tu kamarurusamMi, apa kami lolang tang mekaalukkanni.

AYUB 16:21

kumua na Puang umpaolai salu tu ma’rupa tau siea sia urra’ta’ kara-karana tolino, tu siea solana.

AYUB 21:5

Sailena’ ammi paressa tonganni, manassa la magiangkomi sia ma’tampun pudukkomi.

AYUB 29:9

Iatu mai arung natoreimo ma’kada sia untampunmo pudukna;

AYUB 31:37

Iatu mintu’ tengkaku la kupoissan dio oloNa Puang, la kureke’ tu Puang butung misa’ datu.

AYUB 37:19

Pokadangkanni apara tu la kipokada lako Puang, belanna tae’ kima’din ussa’bu’ misa’ apa, diona kamalillinanta.

AYUB 40:3

Morai dukarokoka untaeran kamalamburangKu, sia umpasalaNa’ la untonganan kalemu?

AYUB 42:6

Iamoto kuriu’ sulei tu kadangku, angku mengkatoba’ unno’ko’ diong to’ barra’-barra’ sia to’ au.

PA’PUDIAN 39:9

Rampananna’ dio mai mintu’ salaku, sia da Mipatulangdanna’ napotombonan dollok to baga.

SARAMBU PEADA’ 30:32

Iake umpamadaoko kalemu, anna tae’pa mutangnga’ meloi, ba’tu mangkami mutangnga’ melo, melo tampunni tu pudukmu.

YESAYA 53:6

Pusamiki’ sola nasang susi domba, pantan unnula’moki’ lalanta, apa mintu’ kakadakeanta Napalulako PUANG TaunNa.

YESAYA 6:5

Kukuami: Upu’ alloku, sumpu sumandakku, belanna aku te to maruttak puduk sia torrona’ sirau misa’ bangsa maruttak puduk, na nata’paimo matangku tu Datu, tu PUANGna mintu’ ma’dandan maritik.

YESAYA 64:6

Kami sola nasang dadimokanni susito maruttak sia mintu’ kamaloloangki susito sanglamba’ sampin masarepa; iamoto angki rondon susi daun kayu sia nabaakan kakadakeangki susito napentiaran angin.

BATING 3:29

Sipatu tukku bang sae rokko to’ barra’-barra’, umbai den sia kapa’rannuanan.

YEHEZKIEL 16:63

ammu mengkilala sia masiri’ sia anna diona siri’mu ammu tang umbungka’ pudukmu –, ke Kupadenni tu pengkalossoran diona mintu’ apa mangka mupogau’, kadanNa Puangta PUANG.

DANIEL 9:5

Kasalammokan sia patodo tinting, tang mekaalukmokan sia pabali-bali; untanannimokan boko’ pepasanMi sia atoramMi.

DANIEL 9:7

O Puang, dio Kamu kalemi tu kamaloloan, apa iatu dio kaleki siri’ manna, susite allo iate, iamotu dio lu to Yehuda, to lan Yerusalem sia dio lu mintu’ to Israel, la mandappi’na sia mambelanna, tu torro lan lu mintu’ tondok, tu Minii urrambai male belanna katangmarurusan, tu napogau’ umbali-baliKomi.

SURA’ KATOMINAAN 13:12

Apa iake samanglalla’-lalla’nai tu golen iato dio lu mintu’ kuli’na sia nasitutu’i tu mintu’ kuli’na to masaki iato randuk dio mai lentekna sae langngan ulunna situru’ pentirona to minaa,

MIKHA 7:16

La masiri’ tu mintu’ bangsa untiroi, anna pa’de tu mintu’ kamatotoranna; la natampun limanna tu pudukna, sia la taru tu talinganna.

HABAKUK 2:20

Apa iatu PUANG lan Ia Banua Kabusungan maindanNa. Ma’pakappakomi dio oloNa, e issinna mintu’ lino.

ZAKHARIA 2:13

Ma’pakappakomi, e mintu’ angge menono’, dio oloNa PUANG belanna ke’de’mo dio mai to’ inan maindanNa.

LUKAS 18:13

Iatu passima mambela-bela tu nanii ke’de’, moi mentingara langngan langi’ tae’ nasarai, sangadinna ussa’pa-sa’pa ara’na, nakua: O Puang, ala masena’, aku te misa’ to kasalan!

LUKAS 5:8

Iatonna tiromi Simon Petrus tu iannato, lumbangmi rokko to’ guntu’Na Yesu, nakua: O Puang, toyang-toyangKomi dio mai kaleku, belanna aku te to kasalanna’!

1 TIMOTIUS 1:15

Manappa’ te kada iate sia sipatu tongan ditarima, tu nakua: saemo tu Kristus Yesu tama te lino ungkarimmanni to kasalan; na iatu mintu’na tau iato, akumo tu losongna kasalan.

TO PARENGNGE’ 18:19

Mebalimi tu tau iato lako nakua: Ma’loko-lokokomi, da mima’kada len; tamalemo sola, angki poambe’komi sia kipotominaakomi, umbara melo misanga: iaraka tu dadikomi to minaanna to lan banuanna misa’ tau, ba’tu iaraka tu dadi to minaanna misa’ suku sia misa’ pa’rapuan to Israel?