AYUB 4:20 - Sura' Madatu

²⁰ Tau iato mai dinisak-nisak lan pangallaranna masiang na bongi, tu sanggang sae lakona anna tae’ naissanni tau.

AYUB 4:20 ပူးပေါင်းရင်းမြစ်များ

2 OSSORANNA DATU 15:6

Sia iatu mai bangsa sikau pada bangsa na iatu mai kota sikau pada kota, belanna Naparampoi kamarukkan Puang Matua tu tau iato mai diona ma’rupa-rupa kapussakan.

2 OSSORANNA DATU 21:20

Iatonna tallungpulomo ndua taunna, dadimi datu, anna ma’parenta dio Yerusalem karua taunna, matemi tang didikkanan. Napeliangmi tau lan kotana Daud, apa tae’ nalan liangna mintu’ datu.

AYUB 14:14

Iake matei tu misa’ tau la tuoraka sule? Iake susito, la ma’rannuanna’ lan mintu’ allo kamara’tasangku, sae lako saena tu passondaku.

AYUB 14:2

Susito bunga tiballa’ anna malayu, sia lendu’ susito bayo-bayo sia tae’ natontong.

AYUB 14:20

Misau’ sia Mipandasa sae lakona, iamoto namale, Mipopembali tu lindona sia Misua male.

AYUB 16:22

Belanna sidi’ bangri tu taun la sae, angku olai tu lalan, tu tae’ angku la unnolai sule.

AYUB 18:17

La pa’demo tu kadipengkilalaianna dao kuli’na padang, tang disa’bu’mo tu sanganna dio lu batatta.

AYUB 20:7

la pa’de sae lakona susito tainna; minda tu untiroi la ma’kada nakua: Umbamira?

PA’PUDIAN 37:36

Apa den tau lendu’ dio, natiroi, pa’demo, kudaka’, apa tae’mo kutiro lako.

PA’PUDIAN 39:13

Perangiimi tu passambayangku, o PUANG, sia tananni talingamMi tu pengkamoyaku, sia da Mipa’loko-lokoi tu tangi’ tang marangangku, belanna iate aku te misa’na’ to sae dio Kalemi, sia to mentiruran susi mintu’ to doloku.

PA’PUDIAN 92:7

Iatu to baga pu’pu’ tang natamai tu iannato, sia iatu to tang paissan tang naka’da’ tu susinnato.

SARAMBU PEADA’ 10:7

Dinanna batu silambi’ tu to malambu’ la napomaupa’ tau, apa iatu sanganna to tang mekaaluk la bubosi.