AYUB 38:7 - Sura' Madatu

⁷ tonna siarrakan tu mintu’ bintoen melambi’, sia mintu’ anak Puang Matua siangngaran?

AYUB 38:7 ပူးပေါင်းရင်းမြစ်များ

KADADIAN 1:16

Napadenni Puang Matua da’dua apa parrang kapua, iatu apa parrang tu kapuana la umparenta masiang, na iatu apa parrang tu bitti’na la umparenta bongi, sia mintu’ duka bintoen.

AYUB 1:6

Den sangallo saemi tu mai anakNa muane Puang Matua umpennoloi PUANG sia sae duka tu deata bulituk nasisolan.

AYUB 2:1

Den sangallo saemi tu mai anakNa muane Puang Matua la umpennoloi PUANG sia sae duka tu deata bulituk ussolanni umpennoloi PUANG.

PA’PUDIAN 104:4

Sia angin Naposumbungan lentek, sia api dukku Napokambutu’ maringngan.

ZAKHARIA 4:7

Mindarako, e buntu malangka’? Dio tingayona Zerubabel la dadiko padang marante, la natassu’i tu batu daona lu naunnarrak-arrak tu tau, nakua: Salama’, salama’ lako kalena.

KADA OMBO’ LAKO RASULU’ YOHANES 2:28

sia la Kuben bintoen sulo melambi’ iato.

KADA OMBO’ LAKO RASULU’ YOHANES 22:16

Akumote tu Yesu mangka ussua malaeka’Ku la ungkatottongi lako kalemi tu mintu’ apa iate lan mintu’ kombongan. Akumo tu una’na sia tarukna Daud, sia bintoen sulo melambi’ pandala-dala.

KADA OMBO’ LAKO RASULU’ YOHANES 5:11

Kutiromi sia kurangimi tu gamaranna malaeka’ buda ullilingi isungan kapayungan sia mintu’ a’gan kepenaa sia mintu’ penatua; iatu budanna pessanglampa sisanglampa sia massa’bu-sa’bu,