AYUB 38:5 - Sura' Madatu

⁵ Mindara umpamanassai suka’na’? Inang muissan tu iannato! Ba’tu mindara tu unne’teranni ulang pesuka’?

AYUB 38:5 ပူးပေါင်းရင်းမြစ်များ

AYUB 11:9

Iatu suka’na malambe’ anna kuli’na padang, sia iatu kalua’na losong na tasik kalua’.

AYUB 28:25

IatonNa pamanassai tu kamatotoranna angin, sia Nasuka’ tu kauaianna,

AYUB 34:13

Mindara ussoronganni Naparentai te lino sia mindara umparandanganni te lipu daenan?

PA’PUDIAN 19:4

Tae’ basana sia tae’ kadanna; tae’ misa’ tau urrangi gamaranna.

PA’PUDIAN 78:55

Naula’i lao tu mintu’ bangsa dio mai to’ olona tau iato mai, sia nataa-taa tu padangna Nasuka’ tinting la napomana’ tau iato mai, anNa panno’ko’i tu mintu’ sukunna to Israel lan tendana tau iato mai.

SARAMBU PEADA’ 8:27

IatonNa pasakka’mi tu langi’, sia iatonNa gorri’mi tu lepongan dao tasik kalua’, diomo’ ren,

SARAMBU PEADA’ 8:29

sia iatonNa pantokki tu mintu’ anggenna tasik, kumua da nalendai uai iato tu pepasanNa, tonNa pamanassai tu mintu’ parandanganna te lino,

YESAYA 34:11

Sangadinna padang iato napoinan mundan sia kayo, na langau sia kadoya la torro lan, sia Nae’te’ Puang tu ulang pesuka’ kataloan daona lu sia batu petimbang kamakarorrongan.

YESAYA 40:12

Mindamora ussuka’i pala’na tu uai sia mindamora undangkanni limanna tu langi’ sia ungkararoi tu barra’-barra’ lan lino sia untimbangi dating tu mintu’ buntu sia umpalangnganni timbangan tu mai tanete?

YESAYA 40:22

Iatu Puang unnisung dao lino malepong, na iatu tolino butung bangri batik. Ia umballa’ langi’ takua to sampin, Naballa’ susito tenda nanii torro.

2 KORINTUS 10:16

Kumua angki lendu’i tu tondokmi kinii umpa’peissananni tu Kareba-kaparannuan, sia tae’ kila ussattuan kaleki diona tu apa napasakka’namo to senga’ sitinaya tu atoran ma’angge natoe.

1 SAMUEL 2:8

Iatu mai to bongko Naendekan diong mai to’ barra’-barra’, sia iatu mai to mase-mase Naangka’ diong mai to’ pullan, kumua anNa pasangisunganni mintu’ arung, sia Napatongkon dao o’koran mala’bi’. Belanna mintu’ tu parandangan lino PUANG umpoissanni; sia Ia umbangunni dao te lino.