AYUB 38:4 - Sura' Madatu

⁴ Umbara munii tongKu parandanganni te lino? Pokadaikae, ke denni inaammu!

AYUB 38:4 ပူးပေါင်းရင်းမြစ်များ

KADADIAN 1:1

Iatonna tipamulanna, Napadadii Puang Matua tu langi’ sola lino.

KADADIAN 2:4

Susimoto tu ulelean diona tipamulanna langi’ sola lino, tonna mangka dipadadi. IatonNa garagai tipamulanna PUANG Kapenomban tu langi’ sola lino,

AYUB 15:7

Ikoraka tu bunga’na tolino dadi, ba’tu dipadadirokoka dolo na mintu’ tanete?

AYUB 28:25

IatonNa pamanassai tu kamatotoranna angin, sia Nasuka’ tu kauaianna,

AYUB 34:13

Mindara ussoronganni Naparentai te lino sia mindara umparandanganni te lipu daenan?

PA’PUDIAN 102:25

Kukuami: O Kapenombangku, da Mibaana’ lako kamatangnganna sunga’ku. Iatu mintu’ taunMi sipapa’ sae lakona.

PA’PUDIAN 102:26

Iatonna dolona Kamumo unnoton parandangan lino, na iatu langi’ lalan limamMi.

PA’PUDIAN 104:5

Iamo mangka unnoton lino dao parandanganna, naurunganni tae’mo nala tigega’ len sae lakona.

SARAMBU PEADA’ 3:19

Iatu PUANG umparandanganni kakinaan te lino, sia ullangda’i tangnga’ melo tu langi’.

SARAMBU PEADA’ 30:4

Mindara tu kendek langan langi’ sia songlo’ sule dao mai, mindara urrampun angin diong pa’ka’panna? Mindara umbungku’ uai diong tamang-kalena, mindara umpamanassai tu mintu’ randan langi’? Mindara tu sanganna sia mindara sanganna tu anakna muane? Manassa mutandai.

SARAMBU PEADA’ 8:22

Napadadina’ PUANG Napobunga’na mintu’ lalanNa, dolo na iatu mintu’ panggaraganNa tempon dio mai.

YESAYA 40:14

Mindamora tu Nanii undaka’ pa’timbangan la umbenNi pa’inaan la unnada’i lalan malolo, sia unnada’i kapaissanan sia umpatuduI diona lalan la ungkabu’tui tangnga’ kinaa?

YEREMIA 10:12

Iamo Puang tu mangka umpadadi lino tete dio kamatotoranNa sia tu umpatepu lipu daenan tete dio kakinaanNa sia umballa’ langi’ tete dio tangnga’ kinaanNa.

AMOS 4:13

Belanna tonganna Puangmo tu ungkombong buntu sia umpadadi angin, sia umpokadanni tolino tu apa lan penaanna, sia umpopemmalillinni tu arrang melambi’, sia unnola inan madao dao kuli’na padang – PUANG, Kapenombanna mintu’ ma’dandan maritik, iamoto tu SanganNa.

IBRANI 1:10

Nakuapa: Kamumo, o Puang, tonna tipamulanna umparandanganni te lino sia iatu langi’ panggaraga limamMi;

IBRANI 1:2

nama’katampakanna attu iate, ma’kadaMi lako kaleta Nalopian AnakNa tu Napamanassa umpomana’ mintu’na, tete dio dukari anNa padadii tu angge maritik.

1 SAMUEL 2:8

Iatu mai to bongko Naendekan diong mai to’ barra’-barra’, sia iatu mai to mase-mase Naangka’ diong mai to’ pullan, kumua anNa pasangisunganni mintu’ arung, sia Napatongkon dao o’koran mala’bi’. Belanna mintu’ tu parandangan lino PUANG umpoissanni; sia Ia umbangunni dao te lino.