AYUB 38:34 - Sura' Madatu

³⁴ Ma’dinrokoka umpekapuai gamarammu sae langngan gaun, anna sae tu uran kamban ussamboiko?

AYUB 38:34 ပူးပေါင်းရင်းမြစ်များ

AYUB 22:11

Tae’raka mutiroi tu kapittukan sia iatu uai saba’ ussamboiko?

AYUB 38:37

Mindara tu umbilang salebu’ situang kakinaan, sia umbalittua’ bussona langi’,

AMOS 5:8

Puangmo, tu ungkombong Bunga’ sia Orion. Puangmo tu umpopembali malillin dadi arrang melambi’, sia umpamalillin masiang dadi bongi; Puangmo, tu unnongli’ uai tasik, anNa patibarrakki dao kuli’na padang – PUANG iamo to tu sanganNa.

ZAKHARIA 10:1

Palakui tu uran dio mai PUANG, ke attunnai uran tampak, PUANG umpadadii tu kila’ mellepa’ sia la Napasaean uran kamban tu tau iato mai, sia Nakamasean mintu’ tau tu tananan maluna dio pa’lakna.

YAKOBUS 5:18

Massambayang pole’omi, nasae tu uran dao mai langi’, anna pakendek burana tu padang.

1 SAMUEL 12:18

Meongli’mi tu Samuel lako PUANG, na allo ia dukato Napasaei PUANG tu guntu’ sia uran, anna mandu mataku’ tu to buda lako PUANG sia lako Samuel.