AYUB 37:2 - Sura' Madatu

² Perangii, perangii tu gumaluntu’na gamaranNa, iamotu guntu’ tassu’ lan mai sadangNa.

AYUB 37:2 ပူးပေါင်းရင်းမြစ်များ

2 SAMUEL 22:14

Gumalugumi tu PUANG dao mai langi’, sia umpopemanna gamaranNa tu Puang Patodoranna.

AYUB 28:26

iatonNa pantokki tu atoranna uran sia Napamanassa tu mai lalanna lila kila’,

AYUB 36:29

Sia minda dukara untandai katiballaranna salebu’ sia iatu oni gumaluntu’Na tu tassu’ lan mai tendaNa Puang?

AYUB 36:33

Iatu arrakNa umpa’peissananni, kumua saemo tu Puang, Napengkulleimi unnea pa’pakario-rio situang kare’dekan ara’Na.

AYUB 37:1

Tonganna, iamorato tu napoma’rundede penaangku, sia lumo’dok diong mai to’ inanna.

AYUB 37:4

Gumalugu tu gamaranNa dio boko’Na, Napagumaluntu’ tu gamara kamala’biranNa, sia tae’ Napadapai, ke unnonimi tu gamaranNa.

AYUB 37:5

Napagumaluntu’ kalle-kallean Puang Matua tu gamaranNa; Napogau’ tu penggauran tarompo’, sia tang talambi’;

AYUB 38:1

Napebaliimi PUANG tu Ayub lan mai angin bara’ sia ma’kada Nakua:

AYUB 40:9

Iake susito Aku duka la umpudiko, belanna iatu lima kananmu umpapataloko.

PA’PUDIAN 104:7

Belanna pa’pakarrangMi anna sore tu uai, sia belanna galugumMi tilulunmi tu uai mallai;

YEREMIA 51:16

Iake Napatassu’i kadanNa, mongo’ tu uai dao langi’ sia umpakendek salebu’ dio mai randan langi’; la umpadadii tu kila’ naturu’ uran, sia umpatassu’ angin lan mai pa’palumpunanNa.