AYUB 3:4 - Sura' Madatu

⁴ Kenna pittukora tu allo iato, da Napekutananni Puang Matua dao masuanggana tu iannato, da naarrangi masiangna.

AYUB 3:4 ပူးပေါင်းရင်းမြစ်များ

AYUB 3:3

La sabu’ tu allo kunii dadi; iatu bongi, tu ma’kada nakua: Mangkamo didadian tu misa’ pia muane.

AYUB 3:5

Kenna poapa ori kamalillinan sia kapittukan tu allo iato, kenna situtu’iori salebu’ makamban, anna patirambanni bosinna allo.

YOËL 2:2

Iamotu misa’ allo kamalillinan sia kapi’tukan, misa’ allo saleburan sia lillinan parrak. Susi arrang allo berre’ ussamboi mintu’ buntu, susi dukamo to tu misa’ bangsa makamban sia mawatang. Tae’ lenpa susinna tempon dio mai sia tae’ dukamo nala den, ke attu undi sae lako osso’ situran-turan.

AMOS 5:18

Upu’ allona tu to ungkabarii alloNa PUANG. La matumbari tu alloNa PUANG lako kalemi? Iamo kapittukan, tangia kamasiangan!

MATIUS 27:45

Randukmi tonna te’te’ sangpulo dua ma’tangnga allo malillin tu mintu’ padang sae lako te’te’ tallu makaroen.

PENGGAURANNA RASULU’ 27:20

Iatonna tae’mo dikita tu allo sia bintoen ba’tu pirang-pirang allo sia napamumbuk tonganmokanni tu angin bara’, ma’katampakannu pu’du’mi rannungki la rampo mana’pa.

PA’TOLE 11:12

Iamotu misa’ tondok Nakaduttu’ PUANG, Kapenombammu; tontong Napemaranga PUANG, Kapenombammu, randuk pamulanna taun sae lako upu’na taun.

KADA OMBO’ LAKO RASULU’ YOHANES 16:10

Na iatu malaeka’ ma’pellimanna umbolloan gori-gorinna rokko isunganna olo’-olo’ iato, nakalillinan tu kadatuanna, anna pantan ungkeke’-keke’ lilana, belanna mapa’di’,