AYUB 3:17 - Sura' Madatu

¹⁷ Dio tu nanii to tang mekaaluk untorroi kamarukkan, inde to nanii melayo tu to tang mabukumo.

AYUB 3:17 ပူးပေါင်းရင်းမြစ်များ

AYUB 14:13

Lala sia manii anna alai penaamMi umbunina’ lan lino to mate, sia Mirerungna’ sae lako soro’na tu kare’dekan ara’Mi; sia la Miagianna’ tu misa’ attu, Mimane ungkilalai polena’.

AYUB 17:16

Iatu iannato la male rokko to’ mandalanna lino tomate, ke pada malekan sola rokko to’ litak.

AYUB 3:16

Ba’tu ma’apai anna tae’ angku dadi mangura, tu ditanan, susitu pia’-pia’ tu tang untiropa masiang?

AYUB 3:18

Indeto nanii rapa’ tu toditarungku, tae’ narangii tu gamaranna pangarak.

TOMANGADA’ 4:2

Iamoto kupudii tu mintu’ tomate, tu masaimo ka’tu sunga’na, kumua losong upa’na na mintu’ to tuo, tu tuopa sae lako totemo.

TOMANGADA’ 9:6

Susimoto tu kamamaliranna sia kasikabirisanna sia kamangimburuanna masaimo pa’de; sia tae’mo apa napotaa sae lakona tu mintu’na dadi lan naarrang matanna allo.

MATIUS 10:28

Da mikataku’i tu to umpatei batang kaleta, apa tang nakulle umpatei deatanta; apa iatu sipatunna tongan la mikataku’, Iari tu kuasanna ussanggangi nala batang kaleta nala deatanta, lan naraka.

LUKAS 12:4

Nakua kadangKu lako kalemi, e mintu’ sangmaneKu, da mikataku’i tu to umpatei kale, mangkanna to, la naapaoporokomi;

IBRANI 4:11

Iamoto tapengkullei tama kapelayoan iato, da taden misa’ tobang, susi to a’gan kabattukanna.

IBRANI 4:9

Iake susito tontong ia tu misa’ kapelayoan allo katorroan lako taunNa Puang Matua.

2 PETRUS 2:8

– apa iatu to malambu’ iato tonna sisola tau iato mai, belanna natiro sia narangi tu penggauran ma’liu aluk, allo-allomi masussa tu penaa malambu’na –

KADA OMBO’ LAKO RASULU’ YOHANES 14:13

Kurangimi misa’ gamara dao mai langi’ ma’kada nakua: Sura’i susite: Rongko’ tu mintu’ to matemo, iamotu to mate lan Puang randuk totemo. Ondongpi, nakua tu Penaa, iatu tau iato mai la umpelayoan tarru’mo kamasussanna; belanna mintu’ penggauranna undi urrondongi.

1 SAMUEL 28:19

Sia PUANG la ussorongkomi sola to Israel lako to Filistin sia masiang iatu kamu sola tu mai anakmi muane la indemo te inan kunii, sia la Nasorong PUANG tu surodadu to Israel lako to Filistin.